Read Masana NEHEMIYA 10 Bible Online

NEHEMIYA 10 - Masana bible

NEHEMIYA 10

¹Kuɗ sle namna kayni kaf, numa sa Israyella, numa yi va kuma'a, numa ɗom gaa'a. Hay ɗerwel ma soona tuni kalamna, semda vi sa ŋulona vuma'a ka haya, sa Levitna vuma'a, hiɗi muliyan-sa-ɗifinna vuma'a.

²Hay ɗerwel ma soona tuni kalamna hayam kayni sem Nehemiya ma guvernera, goora vi Hakaliya, Sedekiyas,

³Seraya, Azariya, Yeremiyas,

⁴Paskur, Amariya, Malkiya,

⁵Hattus, Sebaniya, Malluk,

⁶Harim, Meremot, Abdiyas,

⁷Daniel, Ginneton, Baruk,

⁸Mesullam, Abiya, Miyamin,

⁹Maaziya, Bilgay, Semayeya, muliyan-sa-ɗifinna,

¹⁰sa Levitna: Yosuwa, goora vi Azaniya, Binnuy, jar gurona vi Henadad, Kadmiyel,

¹¹hiɗi ɓosiyosina Sebaniya, Hodiya, Kelita, Pelaya, Hanan,

¹²Mikka, Rehob, Hasabiya,

¹³Zakkur, Serebiya, Sebaniya,

¹⁴Hodiya, Bani, Beninu,

¹⁵sa ŋulono vi sumuna: Parewos, Pahat-Mowab, Elam, Zattu, Bani,

¹⁶Bunni, Azgad, Bebay,

¹⁷Adoniya, Bigvay, Adin,

¹⁸Ater, Ezekiyas, Azzur,

¹⁹Hodiya, Hasum, Betsay,

²⁰Harif, Anatot, Nebay,

²¹Magpiyas, Mesullam, Hezir,

²²Mekezabeel, Sadok, Yadduwa,

²³Pelatiya, Hanan, Asaya,

²⁴Hoseya, Hananiya, Hasub,

²⁵Hallohek, Pilha, Sobek,

²⁶Rohum, Hasabna, Maaseya,

²⁷Ahiya, Hanan,

²⁸Malluk, Harim, Baana,

²⁹Caw sumun ma hinina, muliyan-sa-ɗifinna, sa Levitna, sa ŋom vun-galana, sa gi nulla, sa Netiniyena hiɗi nisi kaf sa jarsi goy hiɗi sum sa pulla kay li kuɗ gatta vi Lawna, boyna visiya, gurona visi sa jufayna hiɗi sa boyna, nisi kaf sa nagay kay wi slena, wum cawam kaw.

³⁰Ɓosiyosina sa sumun slisi yisi kulo suwna tap hiɗi nisiya. Nisi yi va kisiya kay tuɗ kuɗ gatta vi Lawna, ta nam vul tisiya hay ɓam Musus sa ma sunda valamu, kay ŋom vun-ma-gatna, kay nisi ma ŋom vun-ma-gatna vi Ma-Vatɗina Lawna vuma'a, kay li kuɗ dita hiɗi ɗota-gatta valamu kaw.

³¹Numa ŋra vunma'a ala numa as vul guro-boyna vuma'a mi sum sa hay nagatnɗi, numa as yaw guro-boyna visi mi gurona vumaɗi;

³²la sum sa hay nagatna mar slen ma filiwna hiɗi slen ma tina ir mige kaw kay gusum goyo hay buura vi sabatna, numa as gusum hay ɓisiɗi; numa as tun suku hay busata siɗiyata, numa as hin balla vi sumuna kaw.

³³Numa ŋra vunma jar-tuwma'a ala hay busata busata, numa ma vul gal ma ɦidina vi sikella* kay lop ma hay ziyna vi Lawna,

³⁴kay fun ma zlaray kay tuwamna, kay ɗifin ma dok-dokŋa, kay ɗifin ma ŋal goy hay sabatna dok-dokŋa, kay vun til ma wulina, kay yuldeta, kay slen ma vuli goyna, kay ɗifin ma kay sulukŋa, ma tuni kay li poora kay sa Israyella, kay slen kaf ma ka lum hay ziyda vi Lawna vuma'a.

³⁵Numa'a, muliyan-sa-ɗifinna, sa Levitna hiɗi sumuna kaw, numa li ŋaɓta kuɗ ɦayta kay ɓuraw ŋaɓta vi liyn jar sumuna vuma'a, a nisi ma mar guna ma ŋalam hay Tempella vi Lawna vuma'a, hay busat kaf, ki gatta di kalam nala, numa ma mar gun asaya kay ŋal ɗifinna (dok-doko) kulo kay giwin-ma-ɗifinna vi Ma-Vatɗina Lawna vuma'a.

³⁶Numa ŋra vunma ala hay busat kaf numa as mar vun-jaf ma jewna vi wana vuma'a hiɗi vuɗ-guna vuma'a hay ziyda vi Lawna vuma'a;

³⁷ala numa min mar hay ziyda vi Lawna vuma'a, tam muliyan-sa-ɗifinna sa ka li lop hay ziyda vi Lawna vuma'a; gurona vuma sa vuɗi jewna, hiɗi farayna vuma ma vuɗi jewna, ki nam ka hay gatta nala, ala guro ma vuɗi jewna vi luwayna vuma'a hiɗi fukunayna vuma'a,

³⁸ala vun-jaf ma jewna vi futuwna vuma'a, sle ma numa taramna, vuɗna vi gun kaf, vi vin ma jibetna kaf, hiɗi mula kaw, numa ŋra vunma'a kay maram tam muliyan-sa-ɗifinna hay ziyda kalafta vi Lawna vuma'a, kay vul gal-ma-doogona vi nagata vuma'a tam sa Levitna kaw. Sa Levitna as kay yawam kay tuwsiya hay hoyok-ziyn kaf ma ka hay nagata ta numa ka zum haya.

³⁹Mul-ma-ɗifinna ma hay jafna vi Aaron ma tap hiɗi sa Levitna hay li ma nisi ma mar gal-ma-doogona vi gal-ma-doogona hay ziyda vi Lawna vuma'a, hay ziyda ta lak jakŋa.

⁴⁰Kay alkamarena, vin ma jibetna hiɗi mula ma sum sa Israyella hiɗi Levitna taram goyna, nisi ma maram hay ziy namna. Jakŋa vi ziy ma peldetna ka lakay kayn haya, muliyan-sa-ɗifinna sa li lopna lakay kayn hay ziy namna, sa ŋom vun-ziyna hiɗi sa gi nulla kaw. Ki kayn nala numa ma hin ziyda vi Lawna vuma goyɗi.