Read Masana NEHEMIYA 11 Bible Online

NEHEMIYA 11 - Masana bible

NEHEMIYA 11

¹Sa ŋulona vi jafna lak hay Yerusalem, caw sumun ma hinina li ŋaɓta kuɗ ɦayta ala jar sumun doogo kayni sa kuɗsi kep ma co mus ziy hay Yerusalem, hoyok-ziy ma peldetna, a sa zleeŋe sa hinina ma lak hay hoyok-ziy hena may.

²Sumun gi bol kay nisi sa vilek kay lak hay Yerusalem kuɗ minda visiya.

³Kayni sa ŋulona vi nagata nagata sa lak ziy hay Yerusalemna. Hay hoyok-ziy ŋulona vi Yuda, gigekaw mus hay liy ma ir valamna valamna, hay hoyok-ziyna valamu valamu: Sa Israyella, muliyan-sa-ɗifinna hiɗi sa Levitna, sa Netiniyena hiɗi gurona vi sa sunda vi salomon:

⁴Gurona vi Yuda hiɗi gurona vi Benyamin segena lak hay Yerusalem: Kayni si: Ataya goora vi Oziyas, goora vi Zakariya, goora vi Amariya, goora vi Sefatiya, goora vi Malaleel, jar gurona vi Peres,

⁵hiɗi Maaseya, goora vi Baruk, goora vi Kol-Hoze, goora vi Hazaya, goora vi Adaya, goora vi Yoyarib, goora vi Zakariya, goora vi Siloni.

⁶Gurona vi Peres sa lak hay Yerusalem noŋ kaf kis-fiɗi kalam dok-karkiya yam glafandi, sum sa donona.

⁷Kayni si gurona vi Benyamin: Sallu, goora vi Mesullam, goora vi Yowed, goora vi Pedaya, goora vi Kolaya, goora vi Maaseya, goora vi Itiyel, goora vi Esaya,

⁸lo, bugolom nam kayni Gabbay hiɗi Sallay, kis-zleeŋe kalam dok-ma' yam glafandi.

⁹Jowel goora vi Zikri mi ma ɗuw lopna visina; Yuda goora vi Senuwa ma mul ma'na hay hoyok-ziyna.

¹⁰Jar sa li lop ɗifinna: Yedaya goora vi Yoyarib, Yakin,

¹¹Seraya goora vi Hilkiya, goora vi Mesullam, goora vi Sadok, goora vi Merayot, goora vi Ahitub, ma ka di law ziyda vi Lawna,

¹²hiɗi ɓosiyosina sa ka li lopna vi ziyda, nisi kis-glafandi kalam dok-ma' yam ma'; goora vi Yeroham, goora vi Pelatiya, goora vi Amsi, goora vi Zakariya, goora vi Paskur, goora vi Malkiya,

¹³hiɗi ɓosiyomna, sa ŋulona vi jafna, kis-ma' kalam dok-fiɗi yam ma'; hiɗi Amaksay, goora vi Azreel, goora vi Ahzay, goora vi Mesillemot, goora vi Immer,

¹⁴hiɗi ɓosiyosina, sum sa nagayna, kis kalam dok-ma' yam glafandi. Zabdiyel goora vi Gedolim, mi ma ɗuwsi hay lopna.

¹⁵Sa Levitna: Semayeya, goora vi Hasub, goora vi Azrikam, goora vi Hasabiya, goora vi Bunni,

¹⁶Sabbetay hiɗi Yozabad, sa sum sa Levitna vulsi lop ma goy jiy Tempella vi Ma-Vatɗina hay ɓisiya;

¹⁷Mattaniya, goora vi Mikka, goora vi Zabdi, goora vi Asaf, namu mi ma ŋolla ma sli nulla kay suburta hay liyna vi siɗawta, hiɗi Bakbukiya, ma ma'na jar ɓosiyomna, hiɗi Abda, goora vi Sammuwa, goora vi Galal, goora vi Yedutun.

¹⁸Tapta vi sa Levitna hay hoyok-ziy ma peldetna noŋ pet kis-ma' kalam dok-glafandi yam fiɗi.

¹⁹Hiɗi sa ŋom vun-galana: Akkub, Talmon, hiɗi ɓosiyosina, sa ŋom vun-galana, tapay kis kalam dok-siɗiya yam ma'.

²⁰Caw sa Israyella ma hinina, muliyan-sa-ɗifinna, sa Levitna, nisi ka lakay hay hoyok-ziyna vi Yuda noŋ kafe, gigekaw hay vocota valamu valamu.

²¹Sa Netiniyena ka lakay hay Ofel; Siha hiɗi Gikpa ay si sa ŋulona vi sa Netiniyena.

²²Sa ma ɗuw sa Levitna hay Yerusalem ay mi Uzzi goora vi Bani, goora vi Hasabiya, goora vi Mataniya, goora vi Mikka, jar gurona vi Asaf, sa gi nulla, sa li lopna hay ziyna vi Lawna;

²³kay mulla col lawta kisiya, nam col va'a kaw kay sa gi nulla hay buurta kafna.

²⁴Petaya goora vi Mekezabeel, jar gurona vi Zerak goora vi Yuda namu mi ma sunda vi mulla kay lopna vi sumun noŋ kaf.

²⁵Hay ziy ma goy fulla hiɗi sinena, gurona vi Yuda lak hay Kiryat-Arba hiɗi naga ma kuɗa'na, hay Dibon hiɗi naga ma kuɗa'na, hay Yekabseel hiɗi naga ma kuɗa'na,

²⁶hay Yesuwa, hay Molada, hay Bet-Palet;

²⁷hay Hatsar-Suwal, hay Beer-Seba hiɗi naga ma kuɗa'na,

²⁸hay Siklag, hay Mekona, hiɗi naga ma kuɗa'na,

²⁹hay Eyin-Rimmon, hay Soreya, hay Yarmut,

³⁰hay Zanowa, hay Adullam, hiɗi naga gurayna va'a, hay Lakis hiɗi sinena va'a, hay Azeka hiɗi naga ma kuɗa'na. Nisi lakay ɗawni, tun caw hay Beer-Seba pa ta-ta tam lokŋa vi Hinnom.

³¹Gurona vi Benyamin lak kayni tun caw hay Geba pa, hay Mikmas, hay Aya, hay Betel hiɗi naga ma kuɗa'na,

³²hay Anatot, hay Nob, hay Hananiya,

³³hay Hatsor, hay Rama, hay Gittayim,

³⁴hay Hadid, hay Seboyim, hay Neballat,

³⁵hay Lod hiɗi Ono, lokŋa vi sa kot slena.

³⁶Jar sa Levitna, sum segen yaway goy hay Yuda pa jok hay Benyamin.