Read Masana NEHEMIYA 12 Bible Online

NEHEMIYA 12 - Masana bible

NEHEMIYA 12

¹Kayni si muliyan-sa-ɗifinna hiɗi sa Levitna sa fokay goy hiɗi Zorobabel goora vi Seyaltiyel, hiɗi Yosuwa: Seraya, Yeremiyas, Esdras,

²Amariya, Malluk, Hattus,

³Sekaniya, Rehum, Meremot,

⁴Iddo, Ginnetoy, Abiya,

⁵Miryamin, Maadiya, Bilga,

⁶Semayeya, Yoyarib, Yedaya,

⁷Sallu, Amok, Hilkiya, Yedaya, kayni si muliyan ŋulo sa-ɗifinna hiɗi ɓosiyosina, hay liyna vi Yosuwa.

⁸Sa Levitna: Yosuwa, Binnuy, Kadmiyel, Serebiya, Yuda, Mattaniya, ma hiɗi ɓosiyomna ka sli nul ma suburta;

⁹Bakbukiya, hiɗi Unni, sa ka li lopna vok irsiya.

¹⁰Yosuwa vuɗ Yoyakim, Yoyakim vuɗ Eliyasib, Eliyasib vuɗ Yoyada,

¹¹Yoyada vuɗ Yonatan, Yonatan vuɗ Yadduwa.

¹²Kayni si muliyan-sa-ɗifinna sa hay liyna vi Yoyakim, sa ŋulona vi jafna: Kay Seraya, Meraya, kay Yeremiyas, Hananiya;

¹³kay Esdras, Mesullam; kay Amariya, Yohanan;

¹⁴kay Meluki, Yonatan; kay Sebaniya, Yosef;

¹⁵kay Harim, Adna; kay Merayot, Helkay;

¹⁶kay Iddo, Zakariya, kay Ginneton, Mesullam;

¹⁷kay Abiya, Zikri; kay Minyamin hiɗi Mowadiya, Piltay;

¹⁸kay Bilga, Sammuwa; kay Semayeya, Yonatan;

¹⁹kay Yoyarib, Matnay; kay Yedaya, Uzzi;

²⁰kay Sallay, Kallay; kay Amok, Eber;

²¹kay Hilkiya, Hasabiya; kay Yedaya, Netaneel.

²²Hay liyna vi Eliyasib, vi Yoyada, vi Yohanan hiɗi Yadduwa, sa Levitna, sa ŋulona vi jafna hiɗi muliyan-sa-ɗifinna kaw, sesi ɗoys gaa'a hay liyna vi mulda vi Dariyus ma Persena.

²³Gurona vi Levi sa ŋulona vi jafna, sesi ɗoys gaa'a hay ɗerwella vi labar-ma-Liyna ta-ta hay liyna vi Yohanan, goora vi Eliyasib.

²⁴Sa ŋulona vi sa Levitna, Hasabiya, Serebiya, hiɗi Yosuwa goora vi Kadmiyel hiɗi ɓosiyosina, ka lakay ɗiger vok ir segena, lopna vuli tisiya kay gi nulla, subur sem Ma-Vatɗina kaw, irsi ka poŋi kuɗ vokŋa ki David sana vi Lawna vulsi hagatis nala.[3]

²⁵Mataniya, Bakbukiya, Abdiyas, Mesullam, Talmon hiɗi Akkub, sa ŋom vun-galana, nisi ka ŋom vun-galana vi ziyna.

²⁶Nisi ka hay lopna hay liyna vi Yoyakim, goora vi Yosuwa, goora vi Yotsadak, hay liyna vi Nehemiya ma guvernera, hiɗi Esdras mul-ma-ɗifinna ma ɗota kaw.

²⁷Hay li ma nisi li mal-vunda vi gulmunna vi Yerusalem, nisi kali gar sum sa Levitna hay liyn kaf ma nisi ka lakay haya kay marsi hay Yerusalem, kay nisi ma li yuldeta hay firita hiɗi nul ma gina, hiɗi cina vi kaway beɗayna, hiɗi dilla, hiɗi dil ŋulona kaw.

²⁸Gurona vi sum sa gi nulla tok tuwsiyay hay ziy ma ŋuyi kat Yerusalemna pa, hay ziyna vi sum sa Netofana pa,

²⁹hay Bet-Gilgal hiɗi fulda vi Geba hiɗi Azmavet; kay sa gi nulla ziyna visi ma nisi inimna ka ŋuyi kat Yerusalem.

³⁰Muliyan-sa-ɗifinna hiɗi sa Levitna por tuwsiya, por sumuna, nisi por vun-galana hiɗi gulmunna kaw.

³¹Nan jik sa ŋulona vi Yuda kulo kay gulmunna, nan lak vokŋa vi sa gi nulla goy ma'. Vok ma jewna tun caw tuɗa hay gal ma jufna kulo kay gulmunna, gal ma vun-galana vi zigidikŋa.

³²Bugolsiya Hoseya hiɗi galla vi jafna vi Yuda ka tuɗa,

³³hiɗi Azariya, Esdras, Mesullam,

³⁴Yuda, Benyamin, Semayeya hiɗi Yeremiyas,

³⁵kuɗ gurona vi muliyan-sa-ɗifinna, hiɗi togolomna, Zakariya, goora vi Yonatan, goora vi Semayeya, goora vi Mattaniya, goora vi Mikka, goora vi Zakkur, goora vi Asaf,

³⁶hiɗi ɓosiyomna, Semayeya, Azareel, Milalay, Gilalay, Maay, Netaneel, Yuda hiɗi Hanani, hiɗi slen ma gi nulla vi David sana vi Lawna. Esdras sa ma wi ɗota ka tuni voksiya.

³⁷Co kat vun-galana vi kaat kayni, nisi ka vun liyn ma jik kulo'o hay ziyda vi David; nisi jik kulo kay gulmunna, nisi ka suw kulo'o kay ziyna vi David, bugolda nisi kali voksi ta-ta tam vun-galana vi niyna, hay gal ma kuɗuwna vi hoyok-ziyna.

³⁸Vok ma ma'na vi nulla kali hay gal ma gulla, nan tap kuɗum kulo kay gulmunna, galla vi sum segena ka tapay kuɗma'a. Numa jik goboy tam simdir ma yor kawayna, bugolda numa co hay liyn ma yam gulmunna beɗay goyo;

³⁹numa tuɗ vokma'a kulo kay vun-galana vi Efrayim, kat vun-galana ma busayna hiɗi vun-galana vi kulufna; kat simdira vi Hananeel hiɗi simdira vi Meya, ta-ta kat vun-galana vi fok-dimina. Numa col tam vun-galana vi daŋgayna.

⁴⁰Vok ma gi nulla ma ma'na co lak hay ziyna vi Lawna; nanu hiɗi sa ɗiger-lawta sa ay kuɗanu numa li ki kayn nala kaw,

⁴¹muliyan-sa-ɗifinna Eliyakim, Maaseya, Minyamin, Mikka, Elyohenay, Zakariya, Hananiya, hiɗi togolomna,

⁴²hiɗi Maaseya, Semayeya, Elam hiɗi Ezer, sa gi nulla di delsi goyo, sa ma ŋomda ma tuni voksina mi Yizrahiya.

⁴³Hay buur namna kayni sumun li ɗifin ŋolo, nisi li firi ŋolo, kay Lawna li va ma firi ŋolo tisiya. Boyna hiɗi gurosgurayna kaw li firiya, goy gine'e pa san ka hum del firita ta Yerusalemta.

⁴⁴Hay buur namna, nisi tun sum sa ŋom feera kay lak sle ma vulum goyn haya, lak vun-jaf ma jewna, gal-ma-doogona, nisi vulsi hagata kay yaw galla vi muliyan-sa-ɗifinna hiɗi sa Levitna goy hay nagata hiɗi hoyok-ziyn kaf, kay jafna vi Yuda ka li firi kayn kay sa Levitna ka li lopna visiya,

⁴⁵nisi ka li kuɗ slen ma ka ɗek kay lopna vi Lawna, nisiya hiɗi lopna vi poora, hiɗi sa gi nulla, hiɗi sa ŋom vun-galana kaw, kuɗ dita vi David hiɗi goora valam Salomon;

⁴⁶kay jew ɓa-ɓa hay liyna vi David hiɗi Asaf, sa ŋulona vi sa gi nulla hiɗi nul ma suburta hiɗi lop ma slugona hay sem Lawna ka'a.

⁴⁷Hay liyna vi Zorobabel hiɗi Nehemiya kayni, sum sa Israyella kaf vul galla vi sa gi nulla hiɗi sa ŋom vun-galana goyo, hay buurta buurta, hiɗi gal ma peldetna tam sa Levitna, sa Levitna vul gal ma peldetna tam gurona vi Aaron kaw.