Read Masana JOB 26 Bible Online

JOB 26 - Masana bible

JOB 26

¹Job hot dita:

²Kay naŋ wi ŋaa'a ŋolo, kay gut kuɗ sa ma donota valam mayɗina, kay naŋ wi ŋaa'a ŋolo a suɗ nam ma maŋayna,

³kay naŋ wi ŋaa'a ŋolo a vul gatta tam nam ma yalla valam mayɗina, yal ta ŋolda ta naŋ ɗeka' goyta ti tarige?

⁴Naŋ ɓak kayn kat gige? Zutaŋay kayn mi gige?

⁵Sa kiwena tuwsi ka visi bat-bat' gaa kuɗ niyna, hiɗi sum sa laki ziy hayna;

⁶liyn ma musta vi sa mitina goy nala'a vok iramu, zul ma wiŋŋa vi ba-goyta may kusuɓi kiramɗi.

⁷Nam meɗ gal ma gaana goy hay liyn ma wiŋŋa, nam tun nagata kulo jar liyn ɦawa'a.

⁸Nam tok niyna hay ɗugulla, may nekka vi niyna may co ir ɗugullaɗi.

⁹Nam kusuɓ tuw zlamda-mulda valamu, nam ŋuy ɗugul goy ta'a.

¹⁰Nam ɓir diŋ-diŋŋa kulo'o kay niyna, ta-ta hay jar haraŋa hiɗi jufunda,

¹¹dolla ma dukalawna geɗa, muɗ ɦuyum' kay bayta valamu.

¹²hiɗi donota valamu, nam wir niy-lum ma ŋolla, nam to subur-tuwta goyo.

¹³hiɗi sukam ma gi goyna, dukalawn vo goy haɓi, ɓalamu jik guy ma pir jaŋŋa.[5]

¹⁴Cani mi ma kiɗayna vi lopna valam ɦawa, cani mi suwana ma kiɗayna ma ka co hay humay ɦawa, may bayta vi gaŋeraŋa valamu sa ma as kay huma'a mi gige?