Read Masana JOB 31 Bible Online

JOB 31 - Masana bible

JOB 31

¹Nan ŋra vunan hiɗi iran ala nam ma peɗ goot-caɗi,

²Ir galla vanu ma Lawn ŋomanti hay kulo pana mi marige? Vocota ta nam ma Gaŋeraŋ-Petna ganti ay kulo hay wuralawn pata ti tarige?

³Sarta kayni na' vi sa ma raw gatta ɗisu? Hawta na' vi sum sa bay-ɗigerta ɗisu?

⁴Lawna mi ma sar poyta vanu ɗisu? Mi ma ŋaɓ sen ma tunna goy kafna ɗisu?

⁵La nan poy hay sinda, la sen raw goy hay mileta,

⁶hin Lawna ɗuwanu hay va ma ŋa nekka ma ɗigera valamu, hinim wi ɗigerta vanu.

⁷La senu cal goy hay hagata ta gasita, la dikanu tap kuɗ iranu, la sle ma liwis mara ka ŋomay hay ɓanu,

⁸hin sa mara ti jaf ma nan cukum gaana, jafna van ma bugolanna ma patis goyo.

⁹La dikan ɗuti goy kuɗ ca'a, la nan col cigeɗ hay vun-galana vi sugolanu,

¹⁰hin cata vanu tuɗ lut goy vi sa mara'a, hin sum sara foka' goy nala'a.

¹¹Kay kayni mi va ma liwisi, joota ta kitat tun ka'a.

¹²Kayni ti kuta ta as ŋala, ta-ta hay zul ma wiŋŋa vi ba-goyta, ta as ŋal slena vanu hiɗi so'olom kafe.

¹³La ci-wayt ka jaran hiɗi sa sunda vanu, sa jufayna hiɗi sa boyna kay ir galla visiya, nan may muɗsi goy purɗi.

¹⁴Nan ma lum ɗawn mi mige hay li ma Lawn ma fok kulo'o? Nan ma hot dit mige hay li ma nam ma ma'a?

¹⁵Namu ma kotonawa kalaf hay sunu, nam kotsi nisi segen layɗi su? Namu mi ma inay kalaf hay sumiyay kafna ɗisu?

¹⁶La nan min vul va mi sa hawnɗi, la nan liwek ir cata duhulta,

¹⁷la nan ti funa van goy van kepe, bay vul mi sa ma kuyuna,

¹⁸kay hay joriyota van pa, nam wuli hiɗi nanu, ki hiɗi bumna nala, kay kalaf hay sun pa, nan gut kuɗ cata duhulta.

¹⁹La nan wi sa ma viyuwna bay sligar talamu, la sa ma hawna nan wum bay borgon talamu,

²⁰nan as hinim bay gan bolɗi, nan as hinim goy bay kuɗusum tuwam hiɗi borgon mirisnɗi.

²¹La nan poŋ ɓan kulo'o kay ci sa ma kuyuna, kay nan wi ala sa ka kitat dirsi kuɗanu ni,

²²hin bigiyan patis goy kat pelan pa, hin goldoŋan patis goy tam gofoloŋon pa.

²³Kay tuwan nari kay joota ta Lawna ga'ay kanta. Nan as kay li va'a vok mulla van loɗi.

²⁴La nan tun vida vanu kay ora, la nan di tam kaway ma jifiyna ala nan tun ŋalda van kaŋu,

²⁵la dikan li firiya kay farayna van ma dak-dakŋa, kay faray ma ɓan fumna,

²⁶la nan ɗuw haraŋa vi fatta hay li ma na' ka wile'e, la nan ɗuw tilla hay li ma nam ka tuɗa,

²⁷la nan hin dikan ɗut goy hay ŋayayta, la nan tun ɓan kulo vunanu kay gi deɓe[7]

²⁸kayni ti joota ta mar kitat kanu, nala nan puwum kayn mi vunanu kay Lawn ma kulona.

²⁹La nan li firiya kay joota ta co kay sa gaw kanna, la nan pir kulo hiɗi firita kay joot coowa kalamu,

³⁰nanu ma hin hagat tam vunanu kay li sulukɗi, beɗ sa'a kay nam ma mitaɗi kaw.

³¹Sa ma nan may hobom hayam hiɗi sliwnɗi mi gige? Sum sa lak vo vanu kaf as di goy kay kayni.

³²Sa ma pulla may bur goy jiyɗi, nan mal vun-galana van goyo kay sum sa rogoyna.

³³La ki sum-wuran kaf nala, nan ŋay jiw-zlata vanu, kay ŋay joota van kalaf hayan tugumu,

³⁴kay nan ka li nari kay hoso-hosota vi sumuna, kay panta vi jaf-sumun ka lan ɦuyumu, la nan mus kiliŋ bay jik goy kay vun-galana vanu,

³⁵Hih! Garan sa ma as human ɗawn mi gige? Kayni ti dita van ta cawta, hin ma Gaŋeraŋ-Petna hotan dit hotge. Ɗerwelda ta sa ma gaw kanu ɗo' kay deɓ kanu,

³⁶nan ma ziya' pelanu, nan ma juna' kanu ki bogorayn nala ɗisu?

³⁷Nan ma dum goy kay liyn ma sen tun hayamna kafe, nan ma co talamu ki yerimana nala.

³⁸La sinena vanu ka siwel kanu, la borona valamu ka cuk zimiya;

³⁹la nan ti wana bay wurakamu, la nan ɓulak dik sumiyamna;

⁴⁰hin gu-zigiyna day kulo baŋal alkamarena, hin ciŋira day kulo baŋal orgena.