Read Masana JOB 35 Bible Online

JOB 35 - Masana bible

JOB 35

¹Elihu sli ditiya di'e:

²Naŋ var ala naŋ ka hay hagat su? Naŋ as di ala: Ɗigerta vanu ka hay Lawna su?

³Kay naŋ di'e: Kayni as su? Li sulukɗi kayn as gutaŋ hiɗi mige?

⁴Nan min hotaŋ ditisa, nan min hot ditis kayn mi boniyoŋ lay.

⁵Ɗuwaŋ tam dukalawna, saram tige. Ɗuwaŋ ɗugulla, nam ka kulo kaŋu tige!

⁶La naŋ li suluku, naŋ as ɓulakam vi Lawn mi mige? Hay li ma ŋel-vunda vaŋu li ŋolo, naŋ lum talam mi mige?

⁷La naŋ ɗigere, naŋ vulum malam mi mige? Nam fum hay ɓaŋ mi mige?

⁸Joota vaŋu ɓulakam mi san ki naŋ nala. Ɗigerta vaŋu na' gutum mi sa-wura'a.

⁹Nisi siwela kay sa curoɗ sumuna ka ŋolo, nisi ka job gutda kay ɦawlata vi sumun ka tisi ŋolo;

¹⁰may sa ma di ala Lawn ma kotanna ka arige mayɗi. Namu ma hat nulla (mi sana) hay henjeta.

¹¹Namu ma vulay hatta suw muuriyan ma gaa kay nagata, ma vulay yalda suw layayn ma dukalawna.

¹²Ki kayn nala san as siwela, may nam hot ditɗi, kuɗ jigal-tuwta vi nisi sa li joota.

¹³Nisi ka ciriya, may goy ɦawa'a, Lawn may humɗi, ma Gaŋeraŋ-Petna may jak humamɗi,

¹⁴la naŋ di maŋ ala naŋ may wumɗi kaw, lawta vaŋ ka tuni vokomu, naŋ cubumu.

¹⁵Wulin kayni, kay ɦiyda valam may co tuwaɗi, kay nam may tun ŋalda valam kay ŋel-vunda tuwaɗi,

¹⁶Job ka har vunam goy hiɗi ɓakŋ kayn ɦawa'a. Nam dum kayn mi law ma nam wum cawamɗi.