Read Masana NULLA 111 Bible Online

NULLA 111 - Masana bible

NULLA 111

¹Suburgi Ma-Vatɗina. Nan min gi deɓ mi Ma-Vatɗina hiɗi dikan kaf, hay tokŋa vi sa ɗigera, hay tapna kaw.

²Lopna vi Ma-Vatɗina ka ŋolo, nisi kaf sa minimna garamu.

³Lopna valamu ka hiɗi ŋolda hiɗi gajijita, ɗigerta valam ka ta-ta hay vatɗita.

⁴Lop ma ŋulo ŋulona valamu nam kotomu kay humsi gisi kalamu, Ma-Vatɗina nam mi slugona hiɗi minda.

⁵Nam vul tina mi nisi sa li nar kuɗumu, humam gum kay bonota valamu ta-ta hay vatɗita.

⁶Nam ɗek sumuna valamu kay donota vi lopna valamu, hay li ma nam vulsi vocota vi jaf-sumuna.

⁷Lopna vi ɓalamu mi gasita hiɗi ɗigerta, ɗota-gatta valamu kaf mi gasiya.

⁸Nam coli ɗeŋe kay vatɗita, koti hiɗi gasita hiɗi ɗigerta.

⁹Nam gi butta-goyta tam sumuna valamu, nam jun bonota valamu kay dok-doko, semda valamu peldete hiɗi narta kuɗa'a.

¹⁰Narta kuɗ Ma-Vatɗina kayni ti tun-cawta vi yalla, nisi kaf sa li nar kuɗumu ŋalda ŋaata visi ka'a, suburta valamu ka ta-ta hay vatɗita.[36]