Read Masana NULLA 112 Bible Online

NULLA 112 - Masana bible

NULLA 112

¹Suburgi Ma-Vatɗina. Sle'ta ka kay sa ma li nar kuɗ Ma-Vatɗina, sa ma li firi ŋolo hay vun-ma-gatna valamu.

²Jafna valamu ma muɗ gaŋeraŋi kay nagata, jafna vi sa ɗigera ma fi ŋaata.

³Mayanda hiɗi farayna ma li hay ziyna valam ŋolo, ɗigerta valamu kaw ma mus ta-ta hay vatɗita.

⁴Haraŋa day kulo'o hay jufunda pa kay sa diksi ɗigera, kay sa ma slugona, sa ma ŋaana hiɗi sa ma ɗigera.

⁵Sle'ta ka kay sa ma li slugota, vul balla kaw, ma ŋra lopna valamu kuɗ ɗigerta.

⁶Kay nam ma geɗ noŋɗi, semda valamu ma tiya ta-ta hay vatɗita.

⁷Nam li nar kay labar ma joon noŋɗi, dikam ɗeŋe, nam vi hay Ma-Vatɗina.

⁸Dikam coli ɗeŋe, nam li narɗi, ta-ta nam cen kuɗ sa ma ka gawt kalamna.

⁹Nam was slena, nam vul mi sa hawna, ɗigerta valamu ka ta-ta hay vatɗita. Miyokŋa valamu ma wulis kulo'o hiɗi gajijita.

¹⁰Sa ma jiw-zlata ma wi kayni dikam ma ɓulaka, nam ma mut siyamu, nam ma loɗ goyo, darta vi sa jiw-zlata ma muɗ goy waa'a.