Read Masana NULLA 115 Bible Online

NULLA 115 - Masana bible

NULLA 115

¹Tuma'ɗi, Ma-Vatɗina, tuma'ɗi, may vul gajijita tam semda vaŋu, kuɗ ŋaata vaŋu, kuɗ ɗigerta vaŋu.

²A jaf-sumun ma di ala: Lawna visi wulin ka arige kayn kay mige?

³May Lawna vuma'a ka hay wuralawna, nam li slen pet ma nam mina.

⁴Lawayna visi kayni mi doorota hiɗi ora, namu mi lopna vi ɓam sana.

⁵vunam ka'a, may nam diɗi; iram ka'a, may nam wiɗi.

⁶Humam ka'a, may nam humɗi; cinam ka'a, may nam hisɗi.

⁷Balam ka'a, may nam tam vaɗi; selem ka'a, may nam poy noŋɗi, delem may di va noŋɗi kaw.

⁸Nisi sa kotomna slum nam nala, nisi kaf sa vi hayamu.

⁹Nigi sa Israyella, hingi tuwgi hay ɓam Ma-Vatɗina, namu mi gutda vigiya hiɗi kuroŋŋa vigiya.

¹⁰Nigi jafna vi Aaron, vigi hay Ma-Vatɗina, namu mi gutda vigiya hiɗi kuroŋŋa vigiya.

¹¹Nigi sa li nar kuɗ Ma-Vatɗina, vigi hay Ma-Vatɗina, namu mi gutda vigiya hiɗi bogorayna vigiya.

¹²Ma-Vatɗina varawa kaya, nam min gi bolo, nam min gi bolo kay jafna vi Israyel, nam min gi bol kay jafna vi Aaron.

¹³Ma-Vatɗina min gi bol kay nisi sa li nar kuɗumu, sa gurayna hiɗi sa ŋulona.

¹⁴Ma-Vatɗina mi biyagi suwa suwa, nigiya hiɗi gurona vigiya.

¹⁵Vigi bolda vi Ma-Vatɗina, ma li wuralawna hiɗi nagata.

¹⁶Dukalawna kayni mi dukalawna vi Ma-Vatɗina, may nam vul nagata mi gurona vi sumuna.

¹⁷Subur sem Ma-Vatɗin kayni may si sa mitinɗi, may si sa ka kal gaa hay liyn ma kiliŋŋa vi sa mitinɗi kaw;

¹⁸may naya, nay ma subur Ma-Vatɗina, vaydi pa ta-ta hay vatɗita. Suburgi Ma-Vatɗina.