Read Masana NULLA 12 Bible Online

NULLA 12 - Masana bible

NULLA 12

¹Tam ma ŋolla vi sa gi nulla. hiɗi dil ma zigewn glafandi. Nulla vi David.

²Ma-Vatɗina, suɗma suɗge, kay sum sa gasina say loɗi, sum sa viy kuɗaŋu ka mer goy jar jaf sum-wurana.

³Gigekaw ka sinda kay sugolomna, sumun ɓak tuwsi hiɗi vunsi kulo ɗut ɦawa, hiɗi diksi ma' ma' kaw.

⁴Nisi sa di yoboyn ma bay-gasina hiɗi sa jigal-tuwsina, Ma-Vatɗina min vatsi goyo.

⁵Nisi ka di ala: Numa muɗi dono'o kuɗ vunma'a, Vunma ma dina ka kuɗma'a, Tun mul kuma' ɗawn gige?

⁶Kay mige sa hawna ka vun curo'da, sa hawna ka tiya, kay na'ta Ma-Vatɗina di'e: Nan min fok kulo wulini, nan min vulsi su'da ta diksi cuba' hiɗi tiyta.

⁷Yoboyna vi Ma-Vatɗina mi yoboy ma peldete, ki doorota ta waki-wak hay kuta gaa kay nagata nala, yoray goy peldete sem siɗiya.

⁸Ma-Vatɗina naŋ ma ŋomsiya, naŋ ma ŋomma kay jaf-sumun kayni ta-ta hay vatɗita.

⁹Sa jiw-zlata poya ŋuy liyn pet, Hay li ma joota suwawa jar gurona vi sumuna.