Read Masana NULLA 122 Bible Online

NULLA 122 - Masana bible

NULLA 122

¹Nul ma rogoyta, vi David. Hayan li firiya hay li ma nisi di tan ala: Nay tuɗay hay ziyna vi Ma-Vatɗina.

²Numa tun sema'a hay vun-galana vaŋu Yerusalem.

³Yerusalem, naŋ ini ŋaa'a ki hoyok-ziyna ma hebay kulo tam tuwamu nala.

⁴Liyn ma jafna jik kulo'o, jafna vi Ma-Vatɗina, kuɗ di-goyta vi Israyel, kay vul suburta mi semda vi Ma-Vatɗina.

⁵Kay zlamda vi kitata ka lakay ɗawni, zlamda vi ziyda vi Lawna vi David.

⁶Siɗawgi kay sle'ta hay Yerusalem, hin nisi sa minagu lak firiya hay tun-sukka.

⁷Hin sle'ta mus kay gulmunna vagu, hin kiliŋga mus hay mulda vagu kaw.

⁸Kuɗ ɓosiyonna hiɗi boniyonna, nan min ala sle'ta ma mus hayagu;

⁹kuɗ ziyna vi Ma-Vatɗina Lawna vaya, nan min yi va kanu kay ŋaata vagu.