Read Masana NULLA 130 Bible Online

NULLA 130 - Masana bible

NULLA 130

¹Nul ma rogoyta. Ma-Vatɗina, goy hay zul ma wiŋŋa pa, nan siwel taŋu.

²Bum-Sumuna, human delanu, jak humaŋ tam tiyta vanu.

³Ma-Vatɗina, Bum-Sumuna, la naŋ ŋaɓ jiw-zlata vi sana, sa ma mus iri ɗawn mi gige?

⁴May naŋ vul gida, kay sumun ma li nar kaŋu.

⁵Nan zam ɓam Ma-Vatɗina, ciwta vanu ka cuba, nan cub dita valamu.

⁶Ciwta vanu ka zam ɓam Bum-Sumuna, suw sa ŋomda sa ka cub liy ma fo goyna. Awa, suw sa ŋomda sa ka cub liy ma fo goyna.

⁷Nigi sa Israyella, zamgi ɓam Ma-Vatɗina, kay hiɗi Ma-Vatɗina ŋaata-ŋolda ka'a, butta-goyta ŋolo kaw ka hiɗi namu.

⁸Nam min but sa Israyel goyo kay jiw-zlata visi kaf.