Read Masana NULLA 136 Bible Online

NULLA 136 - Masana bible

NULLA 136

¹Suburgi Ma-Vatɗina kay nam ŋaa'a, kay ŋaata valamu ka ta-ta hay vatɗita.

²Suburgi Lawna vi Lawayna, kay ŋaata valamu ka ta-ta hay vatɗita.

³Suburgi Bum-Sumuna vi sumay sumuna, kay ŋaata valamu ka ta-ta hay vatɗita.

⁴Tam nam ma kepna ma li sle ma ŋulo ŋulona, kay ŋaata valamu ka ta-ta hay vatɗita.

⁵Tam nam ma li wuralawna hiɗi yalla, kay ŋaata valamu ka ta-ta hay vatɗita.

⁶Tam namu ma beɗ nagata kulo'o kay niyna, kay ŋaata valamu ka ta-ta hay vatɗita.

⁷Tam namu ma li haraŋ ma ŋulona, kay ŋaata valamu ka ta-ta hay vatɗita.

⁸Fatta kay mus mul hay falayta, kay ŋaata valamu ka ta-ta hay vatɗita.

⁹Tilla hiɗi mislekŋa kay lak mul hay henjeta kay ŋaata valamu ka ta-ta hay vatɗita.

¹⁰Tam namu ma ci guro sa vuɗi jewna vi sa Egipte, kay ŋaata valamu ka ta-ta hay vatɗita.

¹¹Nam cuk sa Israyella ay goy jarsi pa, kay ŋaata valamu ka ta-ta hay vatɗita.

¹²Hiɗi ɓalam ma donona, hiɗi gilaŋam goy meɗiya, kay ŋaata valamu ka ta-ta hay vatɗita.

¹³Tam namu ma ɓet niy-ŋolla ma slawna goyo, kay ŋaata valamu ka ta-ta hay vatɗita.

¹⁴Nam hin sa Israyella jik jaramu, kay ŋaata valamu ka ta-ta hay vatɗita.

¹⁵May cuk Farawn hiɗi vok-ma-duura valamu hay niyn ŋol ma slawna, kay ŋaata valamu ka ta-ta hay vatɗita.

¹⁶Mi nam ma ŋom sumuna valamu hay fulda, kay ŋaata valamu ka ta-ta hay vatɗita.

¹⁷Mi namu ma ci muliyan sa ŋulona, kay ŋaata valamu ka ta-ta hay vatɗita.

¹⁸Namu ma ci muliyan sa gajijitna, kay ŋaata valamu ka ta-ta hay vatɗita.

¹⁹Sihon mulla vi sa Amoriyana, kay ŋaata valamu ka ta-ta hay vatɗita.

²⁰Hiɗi Og, mulla vi Basan kaw, kay ŋaata valamu ka ta-ta hay vatɗita.

²¹Vul nagata visi goy voco'o kaw, kay ŋaata valamu ka ta-ta hay vatɗita.

²²Vula' voco'o mi sa Israyel sa sunda valamu, kay ŋaata valamu ka ta-ta hay vatɗita.

²³Nam ma humam gum kaya kay hawta vaya, kay ŋaata valamu ka ta-ta hay vatɗita.

²⁴Suɗayawa goyo kay sa gawt kayna, kay ŋaata valamu ka ta-ta hay vatɗita.

²⁵Nam ma vul tina mi sumun kaf, kaf ŋaata valamu ka ta-ta hay vatɗita.

²⁶Suburgi Lawna ma hay wuralawna, kay ŋaata valamu ka ta-ta hay vatɗita.