Read Masana NULLA 138 Bible Online

NULLA 138 - Masana bible

NULLA 138

¹Nulla vi David. Nan min tiyaŋ seŋu hiɗi dikan kaf, nan min gi nul ma suburta taŋu vok ir lawayna.

²Nan min girif gaa vok Tempella vaŋ ma peldetna, subur semda vaŋu kay ŋaata vaŋu hiɗi gasita vaŋu, kay seŋ ma tiyna jori voko kuɗ deŋga vaŋu ta naŋ hoba' vuna'awa.

³Hay buur ma nan yi semda vaŋu, naŋ humanawa, naŋ teŋan iranawa, naŋ vul donotawa mi ciwta vanu.

⁴Muliyana kaf kay nagata ma suburaŋu, naŋ Ma-Vatɗina, hay li ma nisi hum yoboyna vi vunaŋu.

⁵Nisi ma gi nulla hay hagata vi Ma-Vatɗina, kay gajijita vi Ma-Vatɗina ka ŋolo.

⁶Ma-Vatɗina ka kulo gine'e, nam ɗuw sa ma hawna hiɗi ŋaata; may sa ma sli yam tuwam kulona, nam ɗuwumi goy gine'e pa.

⁷La nan poy jar lasta, naŋ vulan irita, naŋ meɗ ɓaŋ goyo kay ɦiyda vi sa gawt kanna, ɓaŋ ta jufta suɗanu.

⁸Ma-Vatɗina ma li slugota valam kanu. Ma-Vatɗina, ŋaata vaŋu ka ta-ta hay vatɗita, noy lopna vi ɓaŋ goyɗi.