Read Masana NULLA 14 Bible Online

NULLA 14 - Masana bible

NULLA 14

¹Tam ma ŋolla vi sa gi nulla. Vi David. Sa ma ɦay-ɦayna di hay dikamu: Lawna mayɗi. Nisi joo'o, lopna visi liwisi, sa ma li ŋaat kep kaw mayɗi.

²Ma-Vatɗina ka ɗuw hay wuralawn pa, gaa kay gurona vi sumuna, kay ɗuwa la sa ma yalla ma gar Lawna ka klasige.

³May nisi kaf calay hagat goyo, nisi kaf muɗi liwisi, sa ma li ŋaat mayɗi, kep kaw mayɗi.

⁴Nisi kaf sa li jiw-zlata wida visi bay su? Nisi ti sumuna vanu ki nisi ti fun nala, nisi yi sem Ma-Vatɗin vunsiɗi kaw.

⁵Hay na'ta nisi ma li nar ŋolo, hay li ma Lawna ma vul tuwam goy jar jaf ma ɗigera.

⁶Gigi zulota kay cubta-sle'ta vi sa ma hawna, may Ma-Vatɗina ma vulum liyn ma ŋayna.

⁷Hin su'da vi Israyel may goy hay Siyon page. Hay li ma Ma-Vatɗina ma hot sa daŋgayna valamay vo ɗawni, hay buur namna Yakub ma gi nul ma firita, Israyel kaf ma li firiya kaw.