Read Masana NULLA 142 Bible Online

NULLA 142 - Masana bible

NULLA 142

¹Nulla vi David, hay li ma nam ay hay zul hiɗiyna, siɗawta.[39]

²Hiɗi delanu nan siwel tam Ma-Vatɗina, hiɗi delanu nan tiy tam Ma-Vatɗina,

³Nan tiy tuwan talamu, nan ɗek lasta van goy vokomu.

⁴Hay li ma sutiyan toya hayan kalafi, naŋu naŋ wi hagata vanu, hay hagata ta nan poy haya'ta, nisi gan jawt vokanu.

⁵Ɗuw gal ɓan ma jufna kaw, sa ma wanu mayɗi, liyn ma nan fi mus ŋaa'a haya may loɗi, sa ma var kay ciwta vanu mayɗi.

⁶Ma-Vatɗina, nan siwel taŋu nan di'e: Naŋu mi liyn ma nan fi mus ŋaa'a hayna, galla vanu hay nagata vi sa irina.

⁷Humaŋ siwelda vanu, kay nan muɗi haw ŋolo, suɗanu kay nisi sa lasanu suɗge, kay donota visi suwanu.

⁸Kalan ciwta van ay goy hay daŋgayna pa, kay nan fi subur semda vaŋu. Sa ɗigera ma co ŋuyanu, hay li ma naŋ lan ŋaatawa.