Read Masana NULLA 2 Bible Online

NULLA 2 - Masana bible

NULLA 2

¹Jaf-sumun law gijum-gijum kay mige? Sumuna ka var kay sle ma waa ɦawana kaw kay mige?

²Muliyan sa kay nagatna ka yaw kulo'o, sa ŋulona kaw ka ŋra vun tuwsiya kat Ma-Vatɗina hiɗi falamna ma mul hoki kalamna.

³Nay ma wilet jaɓna visi goy wilet, nay ma ja jaɓna visi goy tam tuway ja kaw.

⁴Nam ma musi hay wuralawna ka cena, Bum-Sumuna ka cen kuɗsiya.

⁵Hay na'ta nam min law tisiya hay ɦiyda valamu, Hay ɦiyda ŋolda valamu nam muɗsi nari.

⁶Nir na'ta kep mulla vanu, tunum mul kay Siyon hiɗiyta van ta peldetta mi nanu.

⁷Nan di goyo kay gatta-colita vi Ma-Vatɗina; nam di tan ala: Naŋu mi goora vanu, vaydi nan vuɗaŋawa.

⁸Naŋ ma siɗawanu, nan ma vulaŋ jaf-sumuna voco'o, nan ma vulaŋ vun dabaŋ-gu'ta vi nagata kaw.

⁹Naŋ ma kirapsi goyo hiɗi zugul ma kawayna, naŋ ma tosi goy pek-pek', ki sa ma in dowayna tom goy nala.

¹⁰Wulin kayni, nigi muliyana, poygi hay yalda, nigi sa ka kitan gaa kay nagata, humgi gatta.

¹¹Sungi Ma-Vatɗina hiɗi narta, firigiya hiɗi ɓirta-dikga.

¹²Gigi deɓ mi goora hiɗi ŋaf-vunda, kay a nam ma muɗ ɦiyɗi, kay nigi ma ba goyo hay hagata vigiɗi kaw, kay nam as muɗ ɦiy gosoyo, sle'ta ka kay nisi kaf sa ŋay tuwsi talamu.