Read Masana NULLA 20 Bible Online

NULLA 20 - Masana bible

NULLA 20

¹Tam ŋolla vi sa gi nulla. Nulla vi David.

²Hin Ma-Vatɗina hum siɗawta vaŋu hay buur ma zumalda, hin semda vi Lawna vi Yakub suɗaŋu.

³Nam gi gutda ay taŋu goy hay liyn ma peldetna pa, nam vaŋ kulo'o hay Siyon.

⁴Humam ma gum kay ɗifinna vaŋ kafe gi' ge. Ɗifin ma ŋal-goyna vaŋu nam ma vum vi kaw. Gi-suk.

⁵Hinim vulaŋ va ma darta vi dikaŋ minimna. hinim hob vun varta vi dikaŋu kaw.

⁶Numa'a min li firi ŋolo hay su'da vaŋu, numa ma gaɓ drapota kulo'o hay semda vi Lawna; Ma-Vatɗina ma vulaŋ sle ma naŋ siɗawamna kafe.

⁷Wulini nan wi ala fanna ma mul ɦoki kamna Ma-Vatɗin suɗumu. Nam min hot diti talamu goy hay wuralawn ma peldetna valam pa, hiɗi gutda vi ɓalam ta jufta ta donota.

⁸Sum segena zamam mi ɓam kekena, segena lo kulumayna. May numa yum vunma mi sem Ma-Vatɗina Lawna vuma'a.

⁹Nisi her gaa'a, cap puk gaa'a, may numa hayɗin lakay kulo ɗeŋ hiliŋ'.

¹⁰Ma-Vatɗina, suɗma suɗge. Hin mulla hum siɗawta vuma'a hay li ma numa siwela.