Read Masana NULLA 23 Bible Online

NULLA 23 - Masana bible

NULLA 23

¹Nulla vi David. Ma-Vatɗina mi sa ma ŋomda vanu, va as kay kiɗa kan loɗi.

²Nam hinan tun suku hay liyn hat ma ŋulomna, nam tuɗan tam niy ma kilira.

³Nam vul tun-sukka mi ciwta vanu, nam ɗekan kay hagata vi ɗigerta, kuɗ semda valamu.

⁴Hay li ma nan ka poy hay ɦor-ɦuɗukŋa ma ŋus-mitta, nan li nar kay va ma jooɗi, kay naŋ ka hiɗi nanu, libetna vaŋu hiɗi zugulla vaŋu ma vulan dono'o.

⁵Naŋ vulan va ma tina vok ir sa gawt kanna, naŋ ɦok mul kanu, kaway-ma-cina vanu suluri goyo.

⁶Gasi, ŋaata hiɗi slugota ma tuɗ kuɗanu hay buura vi irita van kaf, nan ma mus hay ziyna vi Ma-Vatɗina dok-doko, ta-ta hay vatta vi buura vanu. Gi-suk.