Read Masana NULLA 26 Bible Online

NULLA 26 - Masana bible

NULLA 26

¹Nulla vi David. Ma-Vatɗina, ka kitata van hay liya'a kaage. Kay nan poy hay bay-joota. Nan zam ɓam Ma-Vatɗina bay giriŋi. Nan as ge'ɗi,

²Ma-Vatɗina, fekan ŋaa'a, wakaŋ dikanu hiɗi varta vanu kaw.

³Kay slugota vaŋu ka vok iranu, nan poy hay gasita vaŋu kaw.

⁴Nan mus gaa hiɗi sa sindaɗi, tap hiɗi sa ɗutnɗi kaw.

⁵Nan ka gaw hiɗi tokŋa vi sa li joota, nan mus hiɗi sa li jiw-zlatnɗi kaw.

⁶Nan muz ɓan goy hay bay-joota, nan ŋuy tam giwin-ma-ɗifinna vaŋ naŋ Ma-Vatɗina.

⁷Kay sa fi hum nul ma gi-deɓta vi delanu di goy kay lopna vaŋ ma ŋulo ŋulona pet.

⁸Ma-Vatɗina, dikan tiy kay liyn ma musta vi ziyna vaŋu, liyn ma musta vi gajijita vaŋu kaw.

⁹Bur ciwta vanu goy jar sum sa sulukŋɗi, bur irita vanu goy hiɗi sum sa ɦok busuwn goynɗi,

¹⁰nisi sa ɓisi hobay hiɗi jiw-zlata, sa ɓisi ma jufna hobay hiɗi gurju ma gus kitata.

¹¹May nanu, nan min poy hay bay-joota, butan goyo, lan slugota kaw lige.

¹²Senu coli kay nagata dakayta. Nan min subur Ma-Vatɗina jar tokŋa vi sumuna.