Read Masana NULLA 43 Bible Online

NULLA 43 - Masana bible

NULLA 43

¹Kaaŋ kitata van hay hagata va'a naŋ Lawna, gutaŋ kanu vok jaf-sum sa bay-ɗigera. Suɗan goyo kay jaf-sum sa ɗutna hiɗi sa jiw-zlata.

²Kay naŋu mi Lawn ma ŋomanna, naŋ as noyan goyo kay mige? Nan ma poy hay sligara ma yorta kuɗ gaŋeraŋa vi sa gawt kanna kay mige?

³Gi haraŋa vaŋu hiɗi ɗigerta vaŋiya, hinim ɗigeranu, hinim naran tam hiɗiyta vaŋ ta peldetta, tam ziyna vaŋ ma musta kaw.

⁴Kay nan min tuɗ tam giwin-ma-ɗifinna vi Lawna, namu mi firita van ta ŋolda. Nan ma suburaŋu hiɗi del dilla, Lawna, Lawna vanu.

⁵Ciwta vanu, sutiyag toy hayan kalafi kay mige? Cubag Lawna hiɗi sle'ta, kay nan ma gi nul ma gi-deɓta talamu lo. Namu mi su'da vanu hiɗi Lawna vanu.