Read Masana NULLA 45 Bible Online

NULLA 45 - Masana bible

NULLA 45

¹Tam ma ŋolla vi sa gi nulla. hiɗi tayna.[10] Nulla vi gurona vi Kore. Nul ma minda.

²Dikanu suluri goyo hiɗi yoboyn ma jifiya, nan ka di'e: Lopna vanu kayni kay mulla, hin vunan muɗ koloyo ki kreyoŋ[11] vi sa ma ɗo koloyo nala.

³Jar gurona vi sumuna naŋ jifiy suwsi kafe, slugota ka ɦokay kay vunaŋu, kay na'ta Lawna gaŋ bolawa ta-ta hay vatɗita.

⁴Sa juf ma wi duura, jun kew-gaferaŋa vaŋ furaŋu, ganaŋ gajijita vaŋu hiɗi wileta vaŋ taŋu;

⁵Awa, hiɗi gajijita vaŋu naŋ kolawa, ɓeŋ kulo kay keke-ma-duura vaŋu, colaŋ kuɗ gasita, lamanda hiɗi ɗigerta, hin ɓaŋ ma jufna ɗek tuwam goyo hiɗi lop ma ŋulona ma narta kuɗumna.

⁶Ɓarawta vaŋu vuna' ciwet-ciwet', jaf-sumun ma cuk gaa kuɗaŋu; ɓarawta vaŋu ma duɓ ruwat sum sa gawt kaŋŋa.

⁷Lawna, zlamda-mulda vaŋu col dono'o dok-doko, ta-ta hay vatɗita. Zugulda-mulda vaŋ kayni ti zugulda ta ɗigerta.

⁸Naŋ min ɗigerta, may naŋ ka gawt tam jiw-zlata, kay na'ta Lawna, Lawna vaŋu ɦok mulawa kaŋu, hiɗi mul ma firita suw nuriyoŋŋa.

⁹Sligara vaŋu ka duwal hiɗi urdina miir, alowes, hiɗi kasiya, del-dilla ma may goy hay ziyna vi mulda ma koti hiɗi siy slokŋa muɗaŋ firiya.

¹⁰Guro-boyna vi muliyana ka jar sa naŋ vileksi goyna; Ca-mulda ka musi hay galaŋ ma jufna, cuki hiɗi sligara ma ora vi Ofir.

¹¹Humagu, goota vanu, varagu, humag ŋaa'a kaw, yag ma jok sumuna vagu hiɗi ziyna vi bugu.

¹²Hin mulla firiya hay jifiyta vagu, kay nam mi bum-ziyna vagu, nak ma girif gaa vokomu.

¹³Goot-cata vi Tirus ma co'o hiɗi sle ma vulda, sa faray ŋolo jar jaf-sumuna ma gar fi slugota vagu.

¹⁴Goota vi mulla ka wile'e kalaf hay ziy ma mulda, sligara va'a ka ciliy hiɗi ora hayam kalafi.

¹⁵Nisi mara' vok ir mulla, cuki hiɗi sligar ma tuwam ciliyna, hiɗi guro-boyn ka bugola'a, nisi sa nuriyo'na, nisi marsi kataŋu;

¹⁶Hiɗi firita hiɗi nulla nisi ka tuɗ voksiya, nisi tuɗ kalafi hay ziyna vi mulla.

¹⁷Gurona vaŋu ma vurna hay baŋal buŋu, naŋ ma tunsi mulu kay nagat kafe.

¹⁸Nan min sli semda vaŋ kulo'o jar jaf-sumuna hay busat kafe, kay na'ta jaf-sumun kaf ma suburaŋu ta-ta hay vatɗita.