Read Masana NULLA 46 Bible Online

NULLA 46 - Masana bible

NULLA 46

¹Tam ma ŋolla vi sa gi nulla. Nulla vi gurona vi Kore. Hiɗi Alamotna[12]

²Lawna mi liyn ma nay ŋay talamna, mi donota vaya kaw, gutda ta as kiɗa goy kayɗi hay li ma nay ka vun zlata.

³Kay na'ta nay as li narɗi la nagat muɗa kaw, la hiɗiy ma goloŋ hay niy-lum ma ŋolla wira kaw,

⁴La billa ma goloŋ hay niy-lumna fok kulo'o gi pesle kaw, la nam fok kulo'o ta-ta wir hiɗiyna kaw, Gi-suk.

⁵Niy-lum mara ka kepe, niyna valam ma jaŋ goyna muɗ hoyok-ziyna vi Lawna firiya, liyn ma peldetna vi ziyna vi ma Kulo-Jamna.

⁶Lawna ka jaram dam', nam fi wirɗi, Lawna gut kuɗumu hay li ma liyn fo goyo.

⁷Jaf-sumuna ɦiwir kulo'o, mulda mulda kaf tun caw geɗa; nam di delem kulo'o, nagat gur goyo kay wira.

⁸Ma-Vatɗina Lawna vi vok-ma-duura ka hiɗi naya, Lawna vi Yakub nam mi liyn ma ŋayna vaya. Gi-suk.

⁹Nigiyaya, ɗuwgi lopna vi Ma-Vatɗina, ɗuwgi slen ma nam ɓulakam gaa kay nagata.

¹⁰Vat duur goy kay nagat kaf kayn mi namu, nam kus ɓarawt goyo, nam kus kawayn goyo, nam ŋal keke-ma-duura goy hiɗi kuta kaw.

¹¹Lakgi kiliŋ, wigi ala nanu mi Lawna: Nan ti mulda kay jaf-sumuna, nan ti mulda kay nagata.

¹²Ma-Vatɗina vi vok-ma-duura ka hiɗi naya, Lawna vi Yakub mi liyn ma ŋayna ma donona. Gi-suk.