Read Masana NULLA 53 Bible Online

NULLA 53 - Masana bible

NULLA 53

¹Tam ma ŋolla vi sa gi nulla. Hiɗi zlekemna. Nulla vi David.[15]

²Sa ma ɦay-ɦayna di hay dikam ala: Lawna may noŋɗi. Nisi muɗi liwisi. Nisi li bay-ɗigertawa. Sa ma li ŋaa'a kep kaw mayɗi.

³Hay wuralawn pa, Lawna ɗuw gaa kay gurona vi sumuna, kay ɗuwa la sa ma yalla ka kla, la sa ma gar Lawna ka kla.

⁴Nisi kaf cal hagatawa goyo, nisi kaf muɗi liwisi, sa ma li ŋaat mayɗi, kep kaw mayɗi.

⁵Nisi kaf sa li jiw-zlata, yalla visi mayɗi nala su? Nisi sa ti sumuna vanu ki nisi ti funa nala, nisi yi sem Lawnɗi kaw.

⁶Hay na'ta narta ma muɗ visi tuwsi bat-bat', bay va ma lisi tuwsi nari. Lawna ma mersi zoksi goyo, nisi sa dur hiɗi naŋu. Naŋ ma muɗsi zulo'o, kay Lawna noysiyawa goyo.

⁷Sa ma mar su'da vi Israyel ay goy hay Siyon pa ɗawni mi gige? Hay li ma Lawna hot sumuna valam sa daŋgayna vo ɗawni, Yakub ma gi nul ma suburta, Israyel ma li firiya kaw hay na'ta.