Read Masana NULLA 54 Bible Online

NULLA 54 - Masana bible

NULLA 54

¹Tam ma ŋolla vi sa gi nulla. Hiɗi dil ma zigewn kuɗumna. Nulla vi David.

²Hay li ma sum sa Zifna co'o di tam Sawul ala: David ka ŋayay jarma'a.[16]

³Lawna, suɗan hiɗi semda vaŋu suɗge, ka kitata vanu hay gaŋeraŋa vaŋu.

⁴Lawna, humaŋ siɗawta van humge, muɗ humaŋ tam yoboyna vi vunan muɗge.

⁵Kay sum sa pulla yaway kulo'o kanu, sa waskayna gar irita vanu, nisi min hin liyn mi Lawna hay diksiɗi.

⁶May Lawna mi ma gutda vanu, Bum-Sumuna nam mi ma ŋom irita vanu.

⁷Nam ma hin joot hot nig gaa kay sa gaw kanna, nam ma zansi vunsiya hiɗi gasita.

⁸Hiɗi minda vi dikanu nan min li ɗifin taŋu, nan min vul suburta tam semda vaŋu, naŋ Ma-Vatɗina, kay kayni ŋaa'a.

⁹Kay nam suɗanawa goy vun lasta kafe. Iran ka wi hiɗi firita sle ma ka li tam sa gawt-kanna.