Read Masana NULLA 61 Bible Online

NULLA 61 - Masana bible

NULLA 61

¹Tam ma ŋolla vi sa gi nulla. hiɗi dil ma zigewn talamna. Nulla vi David.

²Lawna, humaŋ siwelda vanu, ɗuwaŋ siɗawta vanu.

³Goy hay vun dabaŋ-gu'ta vi nagata pa, nan siwel taŋu, hay li ma dikanu muɗi niyo. Naran kulo kay hiɗiyna ma nan kay tuwan asay a co talamɗina.

⁴Kay naŋu mi liyn ma ŋayna vanu, simdir ma donona kay sa gawt kanna.

⁵Nan min mus hay guɗukŋa vaŋu ta-ta hay vatɗita, nan min ŋay gaa kuɗ gilaŋataŋu. Gi-suk.

⁶Kay naŋu Lawna, hob vun sle ma nan yum kannawa, naŋ vulan vocotawa hiɗi nisi sa li nar kuɗ semda vaŋu.

⁷Cukaŋ buura vun buura vi mulla; hin buura valam ɦur vokom ŋol suwa.

⁸Hinim mus kay zlamda-mulda ta-ta vok ir Lawna, hin ŋaata hiɗi ɗigerta vaŋu ŋomomu.

⁹Nan min gi nul ma suburta tam semda vaŋu, ta-ta hay vatɗita, kay nan min hob vun sle ma nan yi kanu hay buurta kaf.