Read Masana NULLA 64 Bible Online

NULLA 64 - Masana bible

NULLA 64

¹Tam ma ŋolla vi sa gi nulla. Nulla vi David.

²Lawna humaŋ delan humge hay li ma nan ka tiya, ŋom irita vanu kay narta kay sa gawt kanna.

³Ŋayanu kay ŋra-vunda vi sa joona, kay gijum-gijumta vi sa li jiw-zlata.

⁴Nisi sa ligaɗ sinsiya ki kew-gaferaŋa nala, gi yoboy ma galakŋa goyo ki ɓarawta nala.

⁵Kay nisi lak goy ŋayaya kay gi ɓarawta kay sa ma bay-joota; nisi ɓe kalam tugumu, narta may hay diksi noŋɗi.

⁶Nisi li ŋra-vunda joota visi dono'o, nisi di jar-tuwsi ala nisi min gun jawt goy ŋayaya.

⁷Nisi var kay ci mati. Nisi di'e: Tuway kotiya, slen ŋraya. Varta vi san kalaf hay dikam zul ŋolo.

⁸May Lawn min gisi hiɗi ɓarawta valamu. Wum pa kayn ɓarawt visiyawa may.

⁹Vunsi ma dina cuksiyawa gaa'a; sum sa wisin kaf ka gila yisiya.

¹⁰Sumun pet li nari, di goy kay lopna vi Lawna kaw, nisi ma var ŋali kay sle ma nam lumna.

¹¹Sa ma ɗigera li firiya hay Ma-Vatɗina, nam ma ŋay tuwam talamu kaw. Sa diksi coli ɗigere kaf ma li firi ŋolo.