Read Masana NULLA 65 Bible Online

NULLA 65 - Masana bible

NULLA 65

¹Tam ma ŋolla vi sa gi nulla. Nulla vi David.

²Lawna, nisi ma suburaŋu hiɗi sle'ta hay Siyon. Nisi ma hob vun va ma nisi yum kisi vokaŋŋa.

³Naŋu mi ma hum siɗawta, taŋ naŋu sumun kaf ma co'o.

⁴Hay li ma jiw-zlata cuma neke, hay na'ta naŋ cukma raw-goyta vuma goyo.

⁵Sle'ta ka kay sa ma naŋ vilekem goyo, hinim co goboyo kaw ta-ta nam mus hay daŋŋa vaŋu. Numa ma hob hiɗi sle ma ŋaana hay ziyna vaŋu, Tempella vaŋ ma peldetna.

⁶Hay ŋaata vaŋu, naŋ hum siɗawta vuma'a, hiɗi sle ma narta kuɗumna, Naŋ Lawna vi su'da vuma'a, naŋu ma vun dabaŋ-gu'ta vi nagat kaf, hiɗi niy-lum ma ŋolla ka cubaŋ hiɗi sle'ta.

⁷Nam vul donota mi hiɗiyna hiɗi donota valamu, furam juni hiɗi donota.

⁸Niy ma gi pesl ŋolla nam tunum gaa'a, ɓalla ma gi peslna, suwana vi sumuna kaw.

⁹Nisi sa lakay goy hay vun-dabaŋgu'ta vi nagata li nar kay ɗekka vaŋu; gal ma kuɗuwna hiɗi ma vulatita naŋ hobom hiɗi firita.

¹⁰Naŋ ɗuw nagata, naŋ vula' hobta, naŋ hoba' hiɗi farayna; goloŋŋa vi Lawna hobay hiɗi niyna, naŋ vulsi wana visiya kay naŋ kot nagat nala.

¹¹Naŋ vul niyna hay sinena, naŋ ŋra yam nagata, naŋ ŋuruɓa' hiɗi niyna, naŋ vul donota tam wal wana kay day kulo'o.

¹²Naŋ hob busata hiɗi ŋaata vaŋu, seŋ ma tuɗna tol hiɗi mula.

¹³Ful ma soy goyna ŋuruɓiya, hiɗiyna furam juni hiɗi firita;

¹⁴liyn ma fulla hobay hiɗi faray-gurayna, liyn ma beɗna hobawa hiɗi jaf-slena, sumun ka siwel hiɗi firita, gi nulla kaw.