Read Masana NULLA 67 Bible Online

NULLA 67 - Masana bible

NULLA 67

¹Tam ma ŋolla vi sa gi nulla. Hiɗi dil ma zigewn kuɗumna. Nulla.

²Hin Lawna luma slugota, gi bol kuma'a kaw, hin vokomu li haraŋ kuma'a. Gi-suk.

³Kay a nisi ma wi hagata vaŋu gaa kay nagata; kay nisi ma wi su'da vaŋu jar jaf-sumuna kafe.

⁴Sumun kaf suburaŋu, naŋ Lawna, sumun kaf suburaŋu.

⁵Jaf-sumun li firiya, siwel hiɗi firita kaw. Kay naŋ ka kitat kay sumun hiɗi ɗigerta, jaf-sumuna kay nagata naŋ ŋomsi hiɗi ɓaŋu. Gi-suk.

⁶Sumun kaf suburaŋu, naŋ Lawna, sumun kaf suburaŋu.

⁷Nagata li jafnawa, Lawna! Lawna vaya min gi bol kaya.

⁸Lawna min gi bol kaya, vun-dabaŋgu'ta vi nagat kaf ma li nar kuɗumu.