Read Masana NULLA 75 Bible Online

NULLA 75 - Masana bible

NULLA 75

¹Tam ma ŋolla vi sa gi nulla. Ɓulak slenɗi. Vi Asaf.

²Numa suburaŋu, Lawna numa suburaŋu; semda vaŋu ka hay vunma'a; numa di goy kay lopna vaŋ ma ŋulona.

³Hay li ma coowa hay liyn ma nan kaami kaana, nan ma ka kitat ɗigere.

⁴Nagata tun caw gur goyo, nisi kaf sa ka ka'na kaw. Col dolla va' kulo ɗeŋe mi nanu. Gi-suk.

⁵Nan di tam sa jigal tuwsina ala jigal tuwgiɗi, tam sa jiw-zlat kaw ala: Sli yigi kuloɗi.

⁶Sli yigi kulo gine naɗi, law joo'o hiɗi delgi ɗeŋɗi kaw.

⁷Sli-yam-kulota may gal kuɗuw paɗi, gal vulati paɗi, hay fulda paɗi kaw.

⁸May Lawna nam mi ma ka kitata, sa kepe nam hotom gaa'a, sa hena nam ɦurum kulo'o.

⁹Kay kaway-ma-cina ka hay ɓam Lawna, vin ma niyina ka'a, vin ma rigasayna nam ɦokom goyo, sum sa joona kay nagata cumu, ta-ta tam ɦirɗiyna.

¹⁰May nan min di goy kay slen kayni ta-ta hay vatɗita, nan min gi nul ma suburta tam Lawna vi Yakub.

¹¹Miyokŋa vi sa jiw-zlat kaf nan min kusum goyo, may miyokŋa vi sa ɗigera ma wulis kulo'o