Read Masana NULLA 82 Bible Online

NULLA 82 - Masana bible

NULLA 82

¹Nulla vi Asaf. Lawna col hay tokŋa vi Lawna, nam ka kitata jar lawayna.

²Nigi ma ka kitat bay-ɗigere, tap vungi hiɗi sa jiw-zlata kaw ta-ta lancitige? Gi-suk.

³Kaagi kitata vi sa ma maŋayna hiɗi sa ma kuyuna hay liya'a, ligi ɗigerta tam sa ma hay lasta hiɗi sa ma hawna.

⁴Suɗgi sa maŋayna hiɗi sa hawna goyo, suɗsi goy hay ɓam sa jiw-zlata pa.

⁵Nisi wi vaɗi, wida-yalla visi tayɗi kaw, nisi poy hay jufunda, sem-nagata ma tuni gaana pet wirawa.

⁶Nan di'e: Nigi si lawayna,[27] Nigi kaf si gurona vi ma ŋol ma Kulo-Jamna.

⁷May gasiya, nigi ma mita ki sum segen nala, puk gaa'a kaw ki kep jar muliyana nala.

⁸Lawna, fokaŋ kulo'o, kaŋ kitata kay nagata, kay sum sa hay nagatna kaf vaŋu.