Read Masana NULLA 92 Bible Online

NULLA 92 - Masana bible

NULLA 92

¹Nulla kay buura vi sabatna.

²Ŋaa'a ŋolo kay subur Ma-Vatɗina, ŋaa ŋolo kay tiy semda vaŋu, naŋ ma Kulo-Jamna.

³Kay di goy kay ŋaata vaŋu hay grawta, kay di goy kay gasita vaŋu hay henjeta dok-doko,

⁴hiɗi dilla ma zigew doogo, hiɗi dil ŋolla, hiɗi della vi dil mara'a mara'a.

⁵Kay naŋ Ma-Vatɗina lan firiya hiɗi lopna vaŋu, nan min siwel hiɗi firita kay lopna vi ɓaŋu.

⁶Ma-Vatɗina, lopna vaŋu nam ŋolo natige. Varta vaŋu ka zul ŋolo natige.

⁷Sa ma bay-yalla wi kaynɗi, sa ma ɦay-ɦayna yamda-wida may kalamɗi.

⁸La sa jiw-zlata biya ki usna nala, la nisi kaf sa li joota ɓo kaw, kayni tam ba-goyta visiya ta-ta hay vatɗita.

⁹May naŋu, naŋ mi ma Kulo-Jamna, ta-ta hay vatɗita.

¹⁰Kay Ma-Vatɗina, ɗuwaŋ sa gawt kaŋŋa, kay ɗuwaŋ sa gawt kaŋŋa ka ba goyo; nisi kaf sa li joota ka meray goyo.

¹¹May naŋu vulan donota ki funda nala, naŋ ɦok mul ma sleɗna kanu.

¹²Iran ɗuw sa gawt-kanna hiɗi firita, human hum labara vi sa joona sa yaway kulo kanu hiɗi firita.

¹³Sum sa ɗigera wul kulo fiyoko ki gomona nala, nisi wul kulo'o ki gu-gamna vi Libaŋ nala.

¹⁴Nam piya hay ziyna vi Ma-Vatɗina, nam ɓo'o hay wur-daŋŋa vi ziyna vi Lawna vaya.

¹⁵Hay li ma nam muɗi maari kaw nam vuɗ dok-dok, niyn ka hobay talamu, nam goɗ dok-doko.

¹⁶Kay di goy ala Ma-Vatɗina ka ɗigere, namu mi hiɗiyna vanu, bay-ɗigerta may hayam noŋɗi.