Read Masana NULLA 95 Bible Online

NULLA 95 - Masana bible

NULLA 95

¹Nigiyaya, gay nul hiɗi firita tam Ma-Vatɗina, siwelay hiɗi firita tam hiɗiyn ma su'da vaya.

²Nay tuɗay vok iramu hiɗi suburta, siwelay hiɗi firita hiɗi nulla talamu.

³Kay Ma-Vatɗina nam mi Lawna ma ŋolla, nam mi mul ma ŋolla kulo kay lawayn kafe.

⁴Liyn ma zulla vi nagata ka hay ɓalamu, hiɗiyn ma fiyokŋa mi falamna kaw.

⁵Niy-lumna kayni valamu, kotom mi namu, nagata kaw valamu, kay kota' mi namu.

⁶Nigiyaya, nay ma dab vokay gaa'a, Heray gaa vok Ma-Vatɗina, nay ma kusay ŋulofay gaa vok Ma-Vatɗina ma layna.

⁷Kay namu mi Lawna vaya, naya mi fukunayna ma nam vulum tina, fukunayna ma nam ŋom hiɗi ɓalamu, lali nigi humum delem vaydi.

⁸So'ot dikgiya ki hay Meriba naɗi, ki hay fatta vi Masa hay fulda naɗi kaw.

⁹Hay li ma sumaygiya nemanu, nisi wakanu, nisi sa wi lopna van jew wina.

¹⁰Busat dok-fiɗi sumun kayni muɗ kiran bisi, nan di'e: Kayni si sum sa diksi viy goyo; nisi may wi hagata vanɗi.

¹¹Kay na'ta nan yi va kanu hay ɦiyda van ala: Nisi fi cuk kalafi hay tun-sukka vanɗi.