Read Masana NUL MA SUW NULLA 7 Bible Online

NUL MA SUW NULLA 7 - Masana bible

NUL MA SUW NULLA 7

¹Hotagiya, hotagiya! Sulamitta, hotagiya, kay numa min saragu. Nigi min sar Sulamitta ki nul ma vokŋ ma' pirim gaf tuwsiya nala kay mige?

²Seg jifiy ŋolo hay tuguruna vagu, goota vi sa ma asayna, furagu ki kerme ma kella ma san kotom hiɗi yalla valamu nala.

³Hayagu ŋray ki va ma kaay hoɗoɗ' nala, ma vin ma koti hiɗi urdina may kiɗa hayam noŋɗi. Tuwagu ki alkamarena ma molayna nala, ŋuyi hiɗi tayna.

⁴Miira vag ma ma'na ki guro-ŋonayta vi buɗugoora ma ma'na nala,

⁵dekdelagu ɦanay ki dekdel siy-slokŋa nala, irag ki goloŋayna vi Hesbon nala, ma goboy hiɗi vun-ziyna vi Bat-Rabim. Cinagu ki simdira vi Libaŋ ma sa ŋomda lak kulo kalamu, hay galla vi Damas nala.

⁶Yag kulo tuni tiriŋ' ki hiɗiyta Karmel nala, ɗuŋus yagu ki purpella nala, mulla ka ciy hiɗi jaɓna kay ɗuŋusagu.

⁷Nak hayɗin jifiya, nak hayɗin yulumu jar sle ma jibetna, nak bananta.

⁸Fiyokka vag ŋray hiɗi gomona, miiragu ŋray hiɗi vuɗna valamu ma sorina.

⁹Nan di ala: Nan ma jik kulo hum gomona, nan ma mokom vuɗna valam kanu! Miiragu nam ma li ki vuɗna vi gulda-gulda ma sorina nala lige, sukag ma gina ma his ki hista vi pomna nala ge[5]

¹⁰Vunaŋ ki vin ma jibetna nala. ma jaŋ gaa sleɗ hulul' kay dukanna, nam jaŋ gaa'a hay vun nisi sa kali sene.

¹¹Nanu vi dukanna, darta valam ka tuni kanu.

¹²Naŋaya, dukanna, cukay goy hay sinena, buray hay hoyok-ziy ma fulla.

¹³Hay graw culumta nay ma tuɗay hay sinena vi gulda-guldana, kay ɗuwa la gulda-gulda ka ɓo'o, la ɓona valamu ka mal goyo, la grenadinna ka ɓo'o. Ɗawni nan ma vulaŋ darta vanu.

¹⁴Mandragoora[6] ka dus hista valam goyo, vuɗna ma ŋaana vi guna ka vun ziyna vay kafe, ma wulina hiɗi ma busayna: Dukanna, nan ŋomom kaŋ naŋu.