Read Masana ESAYA 15 Bible Online

ESAYA 15 - Masana bible

ESAYA 15

¹Law joo kat Mowab. Awa, hay buur kep ɦawa na' vurumiya, Ar-Mowab tay loɗi. Awa, hay buur kep hawa na' vurumiya, Kir-Mowab tay loɗi.

²Sumun jik kulo hay Bayit hiɗi Dibon, kulo kay liy ma ɗiŋiriŋŋa kay tiya: Mowab ka tiy tuwa'a kay Nebo hiɗi Medeba: yisi kaf weli goyo, jiwersi kaf weli goyo.

³Hay hagana visiya, nisi ka cuki hiɗi sligar-bolla, kulo yam-ziyna hiɗi liy ma lakŋa, gigekaw yor tuwamu, sut zimiya kaw.

⁴Hesbon hiɗi Eleyale ka ci luluna, Delsi co ta-ta hay Yahat, kuɗ na'ta kayni sum sa duura vi Mowab ka pat ciriyna, narta ka hay diksiya.

⁵Dikan ka tanu kay Mowab, kay sumuna va' sa muni jaŋŋa kali ta-ta hay Sowar, ta-ta hay Eglat-Selisiya. Kay liyn ma jik kulona vi Luhit nisi sa jikim hiɗi tiyna. Kay nisi ka tiy tiyn ma hawna hay hagata vi Horonayim;

⁶kay niyna vi Nimrim siɗakiya, usna soy goyo, us ŋulomna may loɗi, hat ma goɗayna vatay goyo.

⁷Kuɗ kayni nisi yaw caw sle ma hinna, nisi nar caw sle ma hin kisina goy bugol lokŋa vi gikŋa.

⁸Kay luluna ŋuy vun nagata vi Mowabawa; tiyna visiya ka co ta-ta hay Eglayim, yor-tuwta visiya ka co ta-ta hay Beer-Elim.

⁹Niyna vi Dimon hobay hiɗi busuwna, nan min gi joot ta wuliya kay Dimon lo, nan ma gi zlon kep kat caw sumuna vi Mowab sa hin goyna, kat va ma hin hay nagata visina.