Read Masana ESAYA 20 Bible Online

ESAYA 20 - Masana bible

ESAYA 20

¹Busata ta Sargon mulla vi Asiriya gi Tartan aya, kay nam ma sli Asdod, nam ŋuya'a, sla'a.

²Kayni hay liyn ma Ma-Vatɗina law hay vun Esaya goora vi Amos. Nam dum ala: tuɗaŋu, butaŋ sligar-bolla goy hay furaŋu, pataŋ tuguru ma seŋŋa goyo. Nam li ki kayn nala, nam poy goy nala'a, pat tuguru ma selemna goyo kaw.

³Ma-Vatɗina di'e: Wulini sa ma sunda vanu Esaya ka poy ir busat ɦidi bay sligar talamu, bay tuguru selemu kaw; kay vul ɗekka tam Egipte hiɗi Etiopiya.

⁴Nala kaw mulla vi Asiriya ma kal hiɗi sa gorvona vi Egipte, hiɗi sa gorvona vi Etiopiya, sa joriyona hiɗi sa maariyana, nisi ma fok sligara hiɗi tuguruna visi goyo, sesi goy ɦawa'a, zulota kay Egipte.

⁵Ki kayn nala nisi ma lak hay narta hiɗi zulota kuɗ Etiopiya, ta nisi tun vida visi ka'ta, hiɗi Egipte, bogoray ma kisina;

⁶sum sa kay jokota na'ta ma di hay buur namna ala: kayni mi va ma numa ka zamam ɓalamna gasi, liyn ma numa ŋay haya kay fi gutda, kay fi butta-goyta kay mulla vi Asiriya. Numa ma hulot goy ɗawn hulot tige?