Read Masana ESAYA 39 Bible Online

ESAYA 39 - Masana bible

ESAYA 39

¹Hay liy namna kayni, Merodak-Baladan goora vi Baladan mulla vi Babilon gi ɗerwelda mi Ezekiyas, vulum sle kaw, kay nam humi ala Ezekiyas li moyo, muɗi ŋaa'a kaw.

²Ezekiyas dikam li ŋaa ŋolo, liyn ma slena valam ma tek ŋolla ka hayna nam ɗeksita, doorota hiɗi ora, aromatna hiɗi mul ma ŋaana, sle ma duura valamu, slen ma ka hay timgilla valam kafna: Va mara ma hin hay ziyna vi Ezekiyas hiɗi sle ma ir valamna kaf ma nam ɗeksit kirsiɗi mayɗi.

³Bugolda Esaya ma jobta co kat mulla Ezekiyas, nam ka dum ala: Sumun kayni may arige pa? Nisi co kataŋ kayn nisi daŋgi mi mige? Ezekiyas hotom dita: Nisi may goy gine'e hay nagata vi Babilon pa.

⁴Esaya hot di lo: Nisi wum kalaf hay ziyna vaŋ mi mige? Ezekiyas hot dita ala: Nisi wi sle ma kalaf hay ziyna van kafe, va ma hay timgilla vanu ma nan ɗekem kirsiɗi mayɗi.

⁵Nala Esaya di tam Ezekiyas: Humaŋ yoboyna vi Ma-Vatɗina vi vok-ma-duura:

⁶Liyn ka co'o, hay liy namna ɗawni, slen ma hay ziyna vaŋu, slen ma sumiyaŋ tokomu ta-ta hay buur ta vaydita nisi ma kalam goy hay Babilon, va mara hin noŋɗi, din mi Ma-Vatɗina.

⁷Nisi ma yaw gurona vaŋu, gurona vaŋ sa may goy hay naŋ pana, sa naŋ vuɗsina, nisi ma lisi sa patayna, kay laksi sun hay ziyna vi mulla vi Babilon.

⁸Ezekiyas hot dit tam Esaya: Yoboyna vi Ma-Vatɗina ma a naŋ dumna kayn nam ŋaa'a. Nam hot di lo ala: Sle'ta hiɗi toyta ma li'e hay buura vi irita van kafe.