Read Masana YEREMIYAS 24 Bible Online

YEREMIYAS 24 - Masana bible

YEREMIYAS 24

¹Ma-Vatɗina ɗekan kay tikisin ma' hiɗi gu-gumna ka lakay vok Tempella vi Ma-Vatɗin lak'. Kayni bugol liy ma Nebukadnesar mulla vi Babilon yaw Yekoniya goora vi Yoyakim mulla vi Yuda, sa ŋulona vi Yuda, sa ceɗ guna hiɗi sa zla kawayna. Yawsi ay Yerusalem pa, kalsi hay Babilon.

²Tikisi ma kepna ka hiɗi gumna ma ŋaa'a ŋolo ki gumna ma jam goy vokŋa nala, tikisi ma hena ka hiɗi gumna ma joo ŋolla, ma sa as tum noŋɗi kuɗ joona valamu.

³Ma-Vatɗina di tanu, naŋ wum mige Yeremiyas? Nan hot dit ala: Mi gumna. Gumna ma ŋaana ma ka jifiy ŋolo, ma joona nam joo ŋolo, sa as tum noŋɗi kuɗ joona valamu.

⁴Ma-Vatɗina ka di yoboyn tan ala:

⁵Ma-Vatɗina Lawna vi Israyel ka di ala: Ki naŋ ka poŋ ir gumna ma ŋaana nala, nan kaw ma poŋ ir sa gorvona vi Yuda, sa nan gisi irsi ay hay nagata vi sa Kaldeen tani, kay nan min lisi slugota.

⁶Nan ma muɗsi kiran hawi, nan ma hotsi ay hay nagat tani, nan ma laksi gaa'a, nan ma ɦosi goy loɗi, nan ma pisi gaa'a, nan ma patsi kulo loɗi.

⁷Nan ma vulsi dikga ta nisi ma wi ala nanu mi Ma-Vatɗina Lawna; nisi ma muɗ si sumuna vanu, nan ma muɗ mi Lawna visiya, la nisi hotay tanu hiɗi diksi kafe.

⁸Kay gumna ma joona sa as tumɗi kuɗ ta ala nam joo'o, nala Sedekiyas mulla vi Yuda, sa ŋulona valamu, caw sum sa hin hay Yerusalem, nisi sa hin hay nagat tani hiɗi sum sa lakay ziy hay Egipte kaw, na ma li hiɗi nisi ɗawn ki kayn nala. Din mi Ma-Vatɗina.

⁹Nan ma muɗsi si sum sa mar narta, mar joota kaw kay sum sa gaa kay nagat kafe, sum sa sumun pansiya, sumun jok law hiɗi nisiya, cen kuɗsiya, sumun beɗsiya kaw, kay liyn kaf ma nan digiɗsi haya.

¹⁰Nan ma gi kew-gaferaŋa jarsiya, mayta hiɗi moyna, ta-ta nisi ma mer goy hay nagata ta nan vula' misiya, mi sumaysiya kaw.