Read Masana YEREMIYAS 45 Bible Online

YEREMIYAS 45 - Masana bible

YEREMIYAS 45

¹Kayni mi yoboyna ma Yeremiyas ma jobta dum tam Baruk goora vi Neriya, hay li ma nam ɗo yoboy namna hay ɗerwele, yoboy ma Yeremiyas dum tam Barukŋa, kayni hay busata fiɗita vi Yoyakim goora vi Yosiyas, mulla vi Yuda, nam di'e:

²Kayni mi va ma Ma-Vatɗina Lawna vi Israyel dum kaŋ naŋ Barukŋa:

³Naŋ di'e: Joot kanu, kay Ma-Vatɗina cuk yorta vun tuw-tita vanu, sukan ka sa'ata, nan may fi tun-sukka noŋɗi.

⁴Naŋ ma di talam ala: Humaŋu, va ma nan inim kulona, nan as ɦom gaa'a, va ma nan pum gaana, nan as patam kulo'o, kayn di ala nagat tan kafe.

⁵May naŋu, naŋ gar sle ma ŋulon su? Naŋ ma garamɗi. Kay humaŋu, nan min hin joot ma kay sumun kafe, Din mi Ma-Vatɗina; may irita vaŋu nan ma ŋoma'a hay liyn kaf ma naŋ min tuɗ haya.