Read Masana EZEKIYEL 48 Bible Online

EZEKIYEL 48 - Masana bible

EZEKIYEL 48

¹Kayni mi semda vi jafna. Fokay hay sin liy ma gaan pa, kuɗ fiyokka vi hagata vi Hetlon tam Hamat, Hatsar-Enon, jaara vi Damas gal gaa'a vi Hamat hay kuɗuwu ta-ta vulatiya, jaf kepe. Mi jafna vi Dan.

²Hay jaara vi Dan, hay gal kuɗuwu ta-ta vulatiya, jaf kepe. Mi jafna vi Aser.

³Hay jaara vi Aser, hay gal kuɗuwu ta-ta vulatiya, jaf kepe. Mi jafna vi Neftali.

⁴Hay jaara vi Neftali, hay kuɗuwu ta-ta vulatiya, jaf kepe. Jafna vi Manase.

⁵Hay jaara vi Manase, hay kuɗuwu ta-ta vulatiya, jaf kepe, jafna vi Efrayim.

⁶Hay jaara vi Efrayim, hay kuɗuwu ta-ta vulatiya, jaf kepe, jafna vi Ruben.

⁷Hay jaara vi Ruben, hay kuɗuwu ta-ta vulatiya, jaf kepe. Jafna vi Yuda.

⁸Hay jaara vi Yuda, hay kuɗuwu ta-ta vulatiya, kayni mi galla ma nigi ma slum iram goyna. Buɗukka valamu ir goldoŋ birim dok-ma' yam vasl, fiyokka valamu ŋray ca hiɗi galla ma fokay kuɗuwu ta-ta hay vulatiya nala; Liyn ma peldetna ma li kalaf jaramu.

⁹Liyn ma nigi ma slum iram goy mi Ma-Vatɗina fiyokka valam ma li ir goldoŋ birim dok-ma' yam vasl, buɗukka valam ir goldoŋ birim doogo.

¹⁰Ir liy namna ma peldetna ma hin ɗawni vi muliyan-sa-ɗifinna: Goldoŋ birim dok-ma' yam vasl hay gal gaa'a, goldoŋ birim doogo kuɗ buɗukamu hay gal vulatiya, goldoŋ birim doogo kuɗ buɗukamu hay gal kuɗuwu, goldoŋ birim dok-ma' yam vasl kuɗ fiyokomu hay gal kayami, liyn ma peldetna vi Ma-Vatɗina ma in kalaf jaramu may.

¹¹Liy namna ma hin vi muliyan-sa-ɗifinna sa vuli goyna jar gurona vi Sadok, sa li lopna van ŋaa'a, sa min cal goyɗi hay li ma sum sa Israyella ka cal goyo, ki sa Levitna cal goyo nala.

¹²Nam ma muɗ visiya ki galla ma peldet ŋolo nala, iram sliy goyo kuɗ galla vi nagata ta ira' sliy goyta, hay jaara vi Levi.

¹³Ŋray dig jaara vi muliyan-sa-ɗifinna kaw, sa Levitna ma fi liyna ir goldoŋ birim dok-ma' yam vasl kuɗ fiyokomu, goldoŋ birim doogo kuɗ buɗukamu, goldoŋ birim dok-ma' yam vasl kay fiyokom noŋ kafe, goldoŋ birim doogo kay buɗukamu.

¹⁴Nisi as gus mara goy kuɗumɗi, nisi as muɗumɗi, vul vun jaf ma jewna vi nagata goy ɦawaɗi, kay nam vuli ɗifin tam Ma-Vatɗina.

¹⁵Goldoŋ ma birim vaslna ma hin goy kuɗ buɗukamu kuɗ goldoŋ ma birim dok-ma' yam vaslna, ma hin ɗawn mi liyn ma waana, kay hoyok-ziyna, kay sa lakay hayamna, kay voora valamu; hoyok-ziyna ma hin kulo jari may.

¹⁶Kayni mi ŋaɓta valamu: Hay gal ma gaana, goldoŋ birim fiɗi hiɗi diram kis-vasl; gal ma kayamna, goldoŋ birim fiɗi kalam kis-vasl; gal ma kuɗuwna, goldoŋ birim fiɗi hiɗi kis-vasl; gal ma vulatina, goldoŋ birim fiɗi hiɗi kis-vasl.

¹⁷Voora vi hoyok-ziyna ma li ɗawni: Goldoŋ kis-ma' kalam dok-vasl hay gal gaa'a; goldoŋ kis-ma' kalam dok-vasl hay gal kayami; goldoŋ kis-ma' kalam dok-vasl hay gal kuɗuwu; goloŋ kis-ma' kalam dok-vasl hay gal vulatiya.

¹⁸Cawam ma hini kuɗ fiyokka valamna, ŋray dig liyn ma peldetna, goldoŋ birim doogo hay gal kuɗuwu, goldoŋ birim doogo hay gal vulatiya, kayni ma li ŋray dig liy ma peldetna, kay kayni mi ir liyna vi hoyok-ziyna, vuɗna valamu ma lin mi tina vi sa li lop hay hoyok-ziyna.

¹⁹Nisi sa li lopna vi hoyok-ziyna kuɗ jafna vi Israyel kaf, nisi ma zum liy namna.

²⁰Gal ma nisi slum iram goyn kaf ma li ir goldoŋ birim dok-ma' yam vasl kuɗ gefem hena kaw; gal ma fiɗina vi hoyok-ziyna nigi ma poŋom iram goyo kay vulum mi hoyok-ziyna.

²¹Ma hin goyna ma li vi mulla, hay gal ma ma'na vi liyn ma peldetna, hiɗi vi hoyok-ziyna, kuɗ fiyokŋa vi goldoŋ ma birim dok-ma' yam vaslna vi gal ma slum iram goyna, ta-ta hay jaara ma gal kuɗuwna, hay gal ma vulatina kuɗ fiyokka vi goldoŋ ma birim dok-ma' yam vaslna, hay jaara ma gal vulatina, ŋray dig liyn ma ɓurawayna. Kayni ma li mi liyna vi mulla. Galla ma peldetna hiɗi liy ma peldetna vi Ziyda ma hin kulo hay jaara.

²²Galla vi mulla ma li ɗawni hay jaara vi sa Levitna hiɗi jaara vi hoyok-ziyna; ma ka hay jaara vi Yuda hiɗi jaara vi Benyamin ma li vi mulla.

²³Kayni mi jafna ma hinina. Fokay hay kuɗuwu ta-ta vulatiya, jaf kep. Jafna vi Benyamin.

²⁴Hay jaara vi Benyamin, hay kuɗuwu ta-ta hay vulatiya, jaf kepe. Jafna vi Simeyon.

²⁵Hay jaara vi Simeyon, hay kuɗuwu ta-ta hay vulatiya, jaf kepe. Jafna vi Isakar.

²⁶Hay jaara vi Isakar hay kuɗuwu ta-ta hay vulatiya, jaf kepe, jafna vi Zabulon.

²⁷Hay jaara vi Zabulon hay kuɗuwu ta-ta hay vulatiya, jaf kepe. Jafna vi Gad.

²⁸Hay jaara vi Gad, hay gal ma kayamna, jaara ma fokis hay Tamar pa ta-ta tam niyna vi Meriba hay Kades, ta-ta tam niy-ma-riŋŋa kat niy ma ŋolla.

²⁹Kayni ti nagata ta nigi ma ɓurawa' voco'o hiɗi ŋaɓta kuɗ ɦayta kay jafna vi Israyel, kayni mi ir liyna visiya kaw. Din mi Bum-Sumuna Ma-Vatɗina.

³⁰Kayni mi vun-galana vi hoyok-ziyna ma kal goyna. Gal ma gaana ŋa goldoŋ birim fiɗi hiɗi kis-vasl.

³¹Vun-galana vi hoyok-ziyna hiɗi sem jafna vi Israyel, vun-galan ɦidi gal gaa'a; vun-galan kep kay Ruben, vun-galan kep kay Yuda, vun-galan kep kay Levi;

³²hay gal ma kuɗuwna, goldoŋ birim fiɗi hiɗi diram kis-vasl. Vun-galan ɦidi. Vun-galan kep kay Yosef, vun-galan kep kay Benyamin, vun-galan kep kay Dan;

³³hay gal ma kayamna, goldoŋ birim fiɗi hiɗi diram kis-vasl. Vun-galan ɦidi. Vun-galan kep kay Simeyon, vun-galan kep kay Isakar, vun-galan kep kay Zabulon;

³⁴hay gal ma vulatina; goldoŋ birim fiɗi hiɗi diram kis-vasl. Vun-galan ɦidi. Vun-galan kep kay Gad, vun-galan kep kay Aser, vun-galan kep kay Neftali.

³⁵Ŋuyna vi tuwamu: Goldoŋ birim doogo yam glafandi. Hay buur na'ta pa, hoyok-ziyna ma yum ala «Ma-Vatɗina ka tani.»