Read Masana HOSEYA 6 Bible Online

HOSEYA 6 - Masana bible

HOSEYA 6

¹Nigiyaya, hotay tam Ma-Vatɗina, kay nam kaay tuwayawa goyo, nam watayawa, may nam jun vun milla vay lo.

²Nam ma vulay irita hay buur ma', hay buurta ɦidita nam ma poŋay yay kulo'o, nay ma lak iri vok iramu.

³Nay ma wi'e, nay ma gar kay wi Ma-Vatɗina, mata valamu ma li haraŋ ki liyn ma fo goyn nala, nam ma co kaya ki niyn ma sin nala, ki niyn ma gufulda ŋuruɓ yam nagat nala.

⁴Nan ma lum tigi mi mige? Sumuna vi Efrayim? Nan ma lum tigi mige? Sumuna vi Yuda? Minda vigi kan kayn ki roɗo ma graw culumta nala, ki maɗay ma yak goyn nala.

⁵Kuɗ kayni nan min watsi hiɗi del sa jobta, nan min cisi goyo hiɗi yoboyna vi vunanu. Kitata vanu na' ma fo goy ki liyn ma haraŋa nala.

⁶Nan minim mi sa ma minan gasina, may mi ɗifinnaɗi, wi ma san wan nan Lawna nam ŋaa'a suw ɗifin ma ŋal goyna.

⁷Nisiya, ki Adam[2] nala, bulak bonot ta jaran hiɗi nisita; kuɗ kayni nisi min hum kuɗ gatta vanɗi.

⁸Galaad kayn mi hoyok-ziyna vi sum sa jiw-zlata, baŋal busuw ma ɦoki gaan ka haya'a.

⁹Vokŋa vi muliyan-sa-ɗifinna nam ki sum sa baray goy hay hagan nala, Nisi ka ci sumun hay hagata ta kal Sikemta; kay nisi vul tuwsi goy tam mat ma cina.

¹⁰Iran wi law ma ɦuyumawa hay ziyna vi Israyel, sum sa fi Efrayimna ka li tuwsi viyuwu, sumuna vi Israyel ka li tuwsi liwisi.

¹¹Nigi sumuna vi Yuda kaw feɗn ka cubgi ta', kayni ma li ɗawn hay li ma sumuna van sa goy gorvona nan ma hotsiyay vona.