Read Masana AMOS 7 Bible Online

AMOS 7 - Masana bible

AMOS 7

¹Bum-Sumuna, Ma-Vatɗina ɗek van kayn kiranu, nam hin baara esl ŋolo kay ti wana, kayni hay liy ma guro-guron tun caw goɗa, hay li ma sumun feɗ wana vi mulla.

²Baara tun caw ti guro-gurona vi wan kay nagat kaf goyo, nan ka di'e: Bum-Sumuna Ma-Vatɗina, wulin kayni naŋ ma vul gid yo, la naɗina, jafna vi Yakub ma lak iri ɗawn laktige? Kay nam maŋay ŋolo?

³Ma-Vatɗina muɗ varta valamu, van kayni ma co loɗi, Din mi Ma-Vatɗina.

⁴Bum-Sumuna Ma-Vatɗina ɗek van kayni kiran lo; Humgiya, Ma-Vatɗina min ka kitat kay sumuna hiɗi kuta; kut min ŋal zul ma wiŋŋa, min ŋal sinena kaw.

⁵Nan ka di'e: Bum-Sumuna, Ma-Vatɗina, telaŋ kut goyo, la naɗi jafna vi Yakub mus iri ɗawn mustige? Kay nam maŋaya!

⁶Ma-Vatɗina muɗ varta valamu, kay van kayni may co jarsi loɗi. Din mi Ma-Vatɗina Lawna.

⁷Bum-Sumuna Ma-Vatɗina gi ɗekka tara ay kiran lo: Nan ɗuw kayni, Ma-Vatɗina ka coli kulo jar gulmunna, ma ŋray goy ja ɗiger hiɗi zigewna, kaway ma ŋa ɗigerta vi gulmunna ka hay ɓalamu.

⁸Ma-Vatɗina di tanu: naŋ wum mi mige Amos? Nan hot dit ala mi kawayn ma li ŋaɓta. Bum-Sumuna di'e: Nan min gi kawayn ma li ŋaɓta jar sumuna van sa Israyella; nan ma vulsi gida kay sulukŋa visi loɗi.

⁹Liyna vi jafna vi Isaak, ma li ɗifin kulo kalamna ma hin goy ɦawa'a, liyna visi ma peldetna ma ɓulak goyo, nan ma fok kulo kat ziyna vi Yerobowam hiɗi kew-gaferaŋa.

¹⁰Ki kayn nala, Amatsiya mul-ma-ɗifinna hay Betel, gi sun tam Yerobowam mul ma Israyella, dum ala: Amos ka di newt kaŋu jar sa Israyella kay mulda vaŋ ma ɦo gaa'a, sumuna hay nagat kaf makawa kay lawta vi Amos.

¹¹Humaŋu: Nam ka di ala: Kew-gaferaŋa ma ci Yerobowam goyo, sum sa Israyella sumun ma yawsi goy gorvo gine'e hiɗi nagata visiya.

¹²Amatsiya di tam Amos: Naŋ sa ma slen vul tuwam kiraŋŋa, piraŋu, tuɗaŋ hay nagata vi Yuda, ɗawni naŋ ma ti vunaŋ maŋ lay, di kay law ma vokaŋ lay.

¹³May Betel tani naŋ di law ma vokŋa haya' loɗi, kay na' tani mi liyn ma peldetna vi mulla, mi hoyok-ziyn ma mulda hayamna;

¹⁴Amos hot dit tam Amatsiya ala: Nan may mi sa ma jobɗi, goora vi sa ma jobɗi lay, nan mi sa ma ŋomom faraya, nan pum mi gu-sikomora.

¹⁵Ma-vatɗin fanay kilan goy ŋomom mi faraya, nam ka di tan ala: Tuɗaŋu, daŋ vun-jobta kat sumuna vanu sa Israyella.

¹⁶Wulin kayni humaŋ yoboyna vi Ma-Vatɗina, naŋ ma di ala: Nan di vun-jobta kat sa Israyellaɗi, nan law tam ziyna Isaakɗi kawna,

¹⁷jakaŋ humaŋ kay hum va ma Lawn min di'e: Kuɗ kayni cata vaŋ ma muɗ tuwa' viyuwu goy jar hoyok-ziyna, gurona vaŋ sa jufayna hiɗi sa boyna kew-gaferaŋa ma calsi goyo, sinena vaŋu sum segen ma ɓurawam goy jarsiya, naŋ kay tuwaŋ ma mit goy hay nagata liwista, sum sa Israyella ma yawis goy gorvo'o hay nagata gineta.