Read Masana YONAS 2 Bible Online

YONAS 2 - Masana bible

YONAS 2

¹Wulini Ma-Vatɗina hin kuluf ma ŋolla co'o kay lig Yonas. Yonas li buur ɦidi kalaf hay kulufna.

²Kalaf hay kulufna, Yonas siɗaw Lawna valamu di'e:

³Hay li ma nan ka vun-zlata, nan yi sem Ma-Vatɗina, nam human delanu, goy jar liyna vi sa kiwena pa nan siwel taŋu, naŋ human delanu.

⁴Naŋ ganawa goy hay zul ma wiŋŋa, goy way niy-lum ma ŋolla ma zulla, niy ma gi tirwisna ŋuyawa kulo kanu. Jaŋga vi niyna hiɗi ɓalla ka cap kulo kanu,

⁵nan di ala, nan digiɗiy goy gine'e vok iraŋu, may wulin kayni, nan ma hot wi Tempella vaŋ ma peldetna lo.

⁶Awa niyn ŋuyanawa ta-ta irita van goboy yaw goyo, zul ma wiŋŋa ɗubanawa, mirgiwna ŋuyawa kulo kanu.

⁷Nan jiki ta-ta gaa hay sutayna vi hiɗiyna, dew nagata kuluɓanawa gaa'a kay dok-doko, may naŋ hot vaniyawa kulo iriya lo.

⁸Hay li ma ciwta van maŋ goyo, human hot gan kaŋ naŋ Ma-Vatɗina, siɗawta vanu co ta-ta kulo taŋu, hay ziyna vaŋ ma peldetna.

⁹Nisi sa girif lawayn ma waana, nisi min hin slugota vaŋ ma tisi goboyɗi.

¹⁰May nanu, nan ma li ɗifin taŋu, siwel taŋu kay lop ma slugona vaŋu, nan ma li kuɗ sle ma nan yi kanu kay li taŋu. Awa, su'da na' may goy vi Ma-Vatɗina pa.

¹¹Ma-Vatɗina law tam kulufna, kulufna tuɗ lo'ot Yonas kulo deŋele.