Read Masana ŊAƁTA 26 Bible Online

ŊAƁTA 26 - Masana bible

ŊAƁTA 26

¹Ma-Vatɗina di tam Musus hiɗi Eliyazar, goora vi mul-ma-ɗifinna Aaron ala:

²Nigi ma li ŋaɓta vi gurona vi Israyel goy kafe, tun caw tam busat dok-ma' ta-ta kulo kalam ɗaw', kuɗ jafna vi sumaysi kafe, nisi sa Israyella sa nagay kay ziy sle ma duur kafe.

³Musus hiɗi mul-ma-ɗifinna Eliyazar law tisiya hay fulda vi Mowab, goboy hiɗi Yordan, ɗiger vok Yeriko. Nisi di tisi ala:

⁴Nay ma li ŋaɓta goyo, tun caw tam busat dok-ma' ta-ta kulo kalam ɗaw, ki Ma-Vatɗina vul hagata tam Musus hiɗi gurona vi Israyel nala, hay li ma nisi kali goy hay nagat Egipte pa.

⁵Ruben, goor ma vuɗi jewna vi Israyel. Gurona vi Ruben: Henok, ma jafna vi sa Henokŋa may goy hayam pana; Pallu, ma jafna vi sa Palluna may goy hayam pana.

⁶Hesron, ma jafna vi sa Hesronna may goy hayam pana; Karmi, ma jafna vi sa Karmina may goy hayam pana.

⁷Nisi kayni si jafna vi sa Rubenna, sa nisi li ŋaɓta visi goyna, nisi co noŋ pet birim dok-fiɗi yam ɦidi kalam kis-siɗiya hiɗi diram dok-ɦidi.

⁸Goora vi Pallu: Eliyab.

⁹Gurona vi Eliyab: Nemuwel, Datan hiɗi Abiram. Datan hiɗi Abiram kayni si sa nisi yisi hay tokŋa, may nisi yaw kulo'o kat Musus hiɗi Aaron, kuɗ vokŋa vi Kore, hay li ma nisi yaw kulo kat Ma-Vatɗina.

¹⁰Nagat mal vuna' goyo, na' kuluɓ kisi hiɗi Kore lay, sum sa tok hay liyn namna mit kafe, sum sa kis-ma' hiɗi diram dok-vaslna kaw kut ŋalsi goy kafe. Va ma li tisina mi ɗekka tam sum segena.

¹¹Gurona vi Kore may mitɗi.

¹²Gurona vi Simeyon kuɗ jafna visiya: Nemuwel, ma jaf sum sa Nemuwella may goy hayam pana, Yamin, ma jaf sum sa Yaminna may goy hayam pana, Yakin, ma jaf sum sa Yakinna may goy hayam pana;

¹³Zerak, ma jaf sum sa Zerakŋa may goy hayam pana, Sawul, ma jaf sum sa Sawulla may goy hayam pana.

¹⁴Nisi kayni si jafna vi sum sa vi Simeyonna: Birim dok-ma' yam ma' hiɗi kis-ma'.

¹⁵Gurona vi Gad, kuɗ jafna visiya visiya. Sefon, ma jafna vi sum sa Sefonna may goy hayam pana; Haggi, ma jafna vi sum sa Haggina may goy hayam pana, Sumi ma jafna vi sum sa Sumina may goy hayam pana,

¹⁶Ozni, ma jafna vi sum sa Oznina may goy hayam pana, Eri, ma jafna vi sum sa Erina may goy hayam pana;

¹⁷Arod, ma jafna vi sum sa Arodna may goy hayam pana, Areeli, ma jafna vi sum sa Areella may goy hayam pana.

¹⁸Nisi kayni mi jafna vi gurona vi Gad, kuɗ ŋaɓta visiya, nisi noŋ pet birim dok-fiɗi hiɗi kis-vasl.

¹⁹Gurona vi Yuda: Er hiɗi Onan; may Er hiɗi Onan mit hay nagata Kanaan.

²⁰Kayni si gurona vi Yuda: Kuɗ jafna visiya visiya: Sum sa Selana may goy hay jafna vi Sela pa, sum sa Peresna may goy hay jafna vi Peres pa, sum sa Zerakŋa may goy hay jafna vi Zerak pa.

²¹Gurona vi Peres ay kayni Hesron ma jaf sa Hesronna may goy hayam pana, Hamul ma jaf sa Hamulla may goy hayam pana.

²²Nisi kayni si jafna vi Yuda, kuɗ ŋaɓta visiya: Birim dok-siɗiya yam karkiya hiɗi diram kis-vasl.

²³Gurona vi Isakar kuɗ jafna visiya visiya: Sum sa Tolana may goy hay jafna vi Tola pa, sum sa Puvana may goy hay jafna vi Puva pa;

²⁴Sum sa Yasubna may goy hay jafna vi Yasub pa, sum sa Simronna may goy hay jafna vi Simron pa.

²⁵Nisi kayni si jafna vi Isakar, kuɗ ŋaɓta visiya: Birim dok-karkiya yam fiɗi kalam kis-ɦidi.

²⁶Gurona vi Zabulon kuɗ jafna visiya visiya: Sum sa Sardina may goy hay jafna vi Sered pa, sum sa Elonna may goy hay jafna vi Elon pa, sum sa Yahleella may goy hay jafna vi Yahleel pa.

²⁷Nisi kayni si jafna vi sa Zabulonna, kuɗ ŋaɓta visiya: Birim dok-karkiya hiɗi kis-vasl.

²⁸Gurona vi Yosef, kuɗ jafna visiya: Manase hiɗi Efrayim.

²⁹Gurona vi Manase: Sum sa Makira may goy hay jafna vi Makir pa, Makir vuɗ Galaad. Sum sa Galaadna may goy hay jafna vi Galaad pa.

³⁰Kayni si gurona vi Galaad: Yeser, ma jaf sum sa Yesera may goy hayam pana; Helek, ma jaf sum sa Helekŋa may goy hayam pana,

³¹Asriyel, ma hay jafna vi sum sa Asriyella, Sikem ma jafna vi sum sa Sikem may goy hayamna,

³²Semida, ma sum sa Semidana may goy hayam pana, Hefer, ma sum sa Hefera may goy hayam pana.

³³Selofkad goora vi Hefer, nam may fi guro jufayɗi, may nam fi guro-boyo. Kayni mi semda vi gurona vi Selofkad; Mahla, Nowa, Hogla, Milka hiɗi Tirsa.

³⁴Nisi kayni si jafna vi Manase, kuɗ ŋaɓta visiya: Birim dok-vasl yam ma' hiɗi kis-siɗiya.

³⁵Kayni si gurona vi Efrayim, kuɗ jafna visiya: Sum sa Sutalkina may goy hay Sutalk pa, sum sa Bakrina may goy hay Bakri pa, sum sa Takanna may goy hay Takan pa.

³⁶Kayni si gurona vi Sutelak: Jafna vi sum sa Eranna may goy hay Eran pa.

³⁷Nisi kayni si jafna vi Efrayim kuɗ ŋaɓta visi noŋ pet, nisi birim dok-ɦidi yam ma' hiɗi kis-vasl. Nisi kayni si gurona vi Yosef, kuɗ jafna visi kafe.

³⁸Gurona vi Benyamin, kuɗ jafna visiya visiya, sum sa Balina may goy hay jafna vi Bela pa; sum sa Asbella may goy hay jafna vi Asbel pa, sum sa Akiramna may goy hay jafna vi Akiram pa,

³⁹sum sa Skufamna may goy hay jafna vi Skufam pa, sum sa Hufamna may goy hay jafna vi Hufam pa.

⁴⁰Gurona vi Bela si Ard hiɗi Naaman: Sum sa Ardna may goy hay jafna vi Ard pa, sum sa Naamanna may goy hay jafna vi Naaman pa.

⁴¹Nisi kayni si gurona vi Benyamin, kuɗ jafna visiya, kuɗ ŋaɓta visiya: Birim dok-fiɗi yam vasl hiɗi kis-karkiya.

⁴²Kayni si gurona vi Dan, kuɗ jafna visiya, sum sa Sukamna may goy hay jafna vi Sukam pa, nisi kayni si gurona vi Dan, kuɗ jafna visi kafe.

⁴³Tapta vi jafna vi sa Sukamna, kuɗ ŋaɓta visi noŋ pet: Birim dok-karkiya yam fiɗi hiɗi diram kis-fiɗi.

⁴⁴Gurona vi Aser, kuɗ jafna visi noŋ kafe. Sum sa Yimnana may goy hay jafna vi Yimna pa, sum sa Yikvina may goy hay jafna vi Yikvi pa, sum sa Beriyana may goy hay jafna vi Beriya pa.

⁴⁵Sum sa may goy hay gurona vi Beriyana: Heber, ma sum sa Hebera may goy hayam pana, sum sa Malkiyella may goy hay Malkiyel pa.

⁴⁶Sem goota vi Aser ala Serak.

⁴⁷Nisi kayni si jafna vi gurona vi Aser, kuɗ ŋaɓta visiya: Birim dok-vasl yam hiɗi kalam kis-fiɗi.

⁴⁸Gurona vi Neftali kuɗ jafna visiya: Sum sa Yasiyella may goy hay Yasiyel pa, sum sa Gunina may goy hay Guni pa;

⁴⁹sum sa Yesera may goy hay Yeser pa; sum sa Silemna may goy hay Silem pa.

⁵⁰Nisi kayni si gurona vi Neftali, kuɗ jafna visiya hiɗi ŋaɓta visiya: Birim dok-fiɗi yam vasl hiɗi kis-fiɗi.

⁵¹Nisi kaf kayni si gurona vi Israyel sa li ŋaɓta visi goyna: Birim kis-karkiya hiɗi diram kep, kalam kis-siɗiya hiɗi diram dok-ɦidi.

⁵²Ma-Vatɗina di tam Musus ala:

⁵³Nagat ma ɓurawa' gaa jarsiya, kay faraya' muɗ goy visiya, ŋram kuɗ ŋolda vi sumuna sumuna.

⁵⁴Nisi sa ka ir ŋolla naŋ ma vulsi nagat dig ŋolda visi lay, nisi sa ka ir goora, naŋ ma vulsi nagat goor digsi lay; naŋ ma ɓurawsi nagat ɗawn ŋra' kuɗ ŋaɓta visiya.

⁵⁵May ɓurawta vi nagat ma li ɗawn hiɗi ŋaɓta kuɗ ɦayta, nisi ma fi galla visi ɗawn kuɗ semda vi sumaysiya sumaysiya.

⁵⁶Ma li ŋaɓta kuɗ hayta kay ɓuraw nagat jar sa kuɗ tuwsi ŋolla hiɗi sa kuɗ tuwsi kiɗayna.

⁵⁷Kayni si sa Levitna sa nisi li ŋaɓta visi goyna, kuɗ jafna visi kafe: Sum sa Gersonna may goy hay jafna vi Gerson pa, sum sa Kehatna may goy hay jafna vi Kehat pa, sum sa Merarina may goy hay jafna vi Merari pa.

⁵⁸Kayni mi jafna vi Levi: Jafna vi sa Libnana, jafna vi sa Hebronna, jafna vi sa Maklina, jafna vi sa Muskina, jafna vi sa Korina, Kehat vuɗ Amram.

⁵⁹Sem cata vi Amram ala Yokebed, goota vi Levi, ta Levi vuɗa'ay hay Egipteta, na' vuɗ guro mi Amram: Si Aaron, Musus hiɗi ɓasusit Miriyam.

⁶⁰Aaron vuɗ Nadab hiɗi Abihu, Eliyazar hiɗi Itamar.

⁶¹Nadab hiɗi Abihu mita, hay li ma nisi mar kuta pulta vok ir Ma-Vatɗina.[7]

⁶²Sa nisi li ŋaɓta visi goyo, sa jufayn kaf, tun caw tam til kep ta-ta kulo kalam ɗaw kayni, nisi co pet birim dok-ma' yam ɦidi. Nisi may ŋaɓsi jar gurona vi Israyelɗi, kay galla visi may jar gurona vi Israyelɗi.

⁶³Kayni si gurona vi Israyel sa Musus hiɗi Eliyazar mul-ma-ɗifinna li ŋaɓta visi goyo, hay fulda vi Mowab, goboy hiɗi Yordan, ɗiger vok Yeriko.

⁶⁴Sum sa Israyel nisin lakŋi, sa Musus hiɗi mul-ma-ɗifinna Aaron li ŋaɓta visi hay fulda vi Sinayna, mara kep kaw may jarsi tanɗi.

⁶⁵Kay Ma-Vatɗin di goy jew ala: Nisi kaf ma mit goy hay fulda, mara ma hin kuɗsi kep noŋɗi, say Kaleb goora vi Yefune hiɗi Yosuwa goora vi Nun tuta.