Read Masana MATEWUS 1 Bible Online

MATEWUS 1 - Masana bible

MATEWUS 1

¹Ɗerwelda vi sem sumay Yesu Kristu goora vi David, goora vi Abraham.

²Abraham vuɗ Isaak, Isaak vuɗ Yakub; Yakub vuɗ Yuda hiɗi ɓosiyomna;

³hiɗi Tamar Yuda vuɗ Peres hiɗi Sera. Peres vuɗ Hesron, Hesron vuɗ Ram;

⁴Ram vuɗ Aminadab; Aminadab vuɗ Nahson;

⁵Nahson vuɗ Salma; hiɗi Rahab Salma vuɗ Bowaz; hiɗi Rut Bowaz vuɗ Obed;

⁶Obed vuɗ Isay, Isay vuɗ mulla David. Hiɗi cata vi Uriyas mulla David vuɗ Salomon;

⁷Salomon vuɗ Robowam, Robowam vuɗ Abiya; Abiya vuɗ Asa;

⁸Asa vuɗ Yosafat; Yosafat vuɗ Yoram, Yoram vuɗ Oziyas;

⁹Oziyas vuɗ Yotam; Yotam vuɗ Ahaz, Ahaz vuɗ Ezekiyas,

¹⁰Ezekiyas vuɗ Manase, Manase vuɗ Amon; Amon vuɗ Yosiyas;

¹¹Yosiyas vuɗ Yekoniya hiɗi ɓosiyomna, kayni hay li ma nisi yaw sumuna goy gorvo'o hay Babilon.

¹²Bugol yawta goy gorvota hay Babilon, Yekoniya vuɗ Seyaltiyel; Seyaltiyel vuɗ Zorobabel;

¹³Zorobabel vuɗ Abiyud, Abiyud vuɗ Eliyakim, Eliyakim vuɗ Asor,

¹⁴Asor vuɗ Sadok, Sadok vuɗ Akim, Akim vuɗ Eliyud,

¹⁵Eliyud vuɗ Eliyaser, Eliyaser vuɗ Matan, Matan vuɗ Yakub.

¹⁶Yakub vuɗ Yosef juf Mariya. Mariya vuɗ Yesu ma yum Kristu.

¹⁷Nala tun caw tam Abraham pa ta-ta tam David, jafna visi co doogo yam fiɗi, tun caw tam David pa ta-ta tam yawta goy gorvota hay Babilon, jafna visi co doogo yam fiɗi. Tun caw tam yawta goy gorvota pa ta-ta tam Kristu, jafna visi co doogo yam fiɗi kaw.

¹⁸May vu'da vi Yesu Kristu li ki kayn nala: Hay li ma sulumu Mariya ay goy daraya kay Yosef, jew a nisi yaw tuwsi kayni, na'a sli haya hiɗi donota vi Ŋusta-Peldetta.

¹⁹May jufa'a Yosef sa ma ɗigere min mar zulot ka'ɗi, nam gar hagat ŋayaya kay hina' bay lawta.

²⁰May hay li ma nam ka var ki kayn nala, sunda-wuralawna vi Bum-Sumuna vul tuwa' kiramu hay duwayta, ka dum ala: Yosef goora vi David, li nari kay sli cata vaŋ Mariyaɗi, kay na' sli hay kayni hiɗi donota vi Ŋusta-Peldetta.

²¹Na' ma vuɗ goora, naŋ ma tunum semda valam ala Yesu, kay nam ma suɗ sumuna valam goyo kay sulukŋa visiya.

²²May slen kayni pet li'e kay sle ma Bum-Sumuna dum hiɗi vun sa jobta-Lawna vunam ma hob goyo, ala:

²³Duwgiya, goot-cata ma sli haya, Na' ma vuɗ goora kaw, Nisi ma tunum semda valam ala Emmanuel, Kayn min di ala Lawn hiɗi naya.[1]

²⁴Hay li ma Yosef zliy kulo'o hay senda zliyna, nam li ki sunda-wuralawna vi Bum-Sumuna ɗekem nala, nam sli cata valamu.

²⁵Nam bur ta'ɗi, ta-ta na' vuɗ goora va' goyo. Nam tunum selem ala Yesu.