Read Masana MARKUS 5 Bible Online

MARKUS 5 - Masana bible

MARKUS 5

¹Nisi co goy gal hena bugol niy-lumna hay nagata vi sa Geraseniyena.

²Hay li ma nam jikay goy hay lumda pa jikŋa, wulini wulini sa ma ful ma liwisn kalamna kali goy hay zul pa, ma talamu.

³Nam mus kayni hay zulla, sa fi junum loɗi, hiɗi jaɓn kaw sa fi junumɗi.

⁴Kay nisi junum dok-dok hiɗi lenjena hiɗi pakalamna kaw, may lenjena nam jam goyo, pakalamna nam wiledem goy kaw. Sa ma as kay lum hiɗi dono'o may loɗi.

⁵Falayta hiɗi henjeta kaf nam ka gi duwli jar zulla, kulo kay hiɗiyna kaw, nam ka siwela, ka to tuwam hiɗi guro-hiɗiyna kaw.

⁶Hay li ma nam wi Yesu ay goy gine'e pa, nam jaŋ talamu, girif gaa vokomu,

⁷ka siwel hiɗi delem kulo ŋol ala: jaran nan hiɗi naŋ mige, naŋ Yesu, Goora vi ma Kulo-Jamna? Nan sumalaŋ hiɗi sem Lawna, naŋ may lan lasɗi.

⁸Kay Yesu dum ala: kalaŋay goy hay san kayni, ŋus ma liwisna,

⁹Yesu jobomu: Semda vaŋ anige? Nam hot dit ala: semda vanu Legiyon, kay numa ka ŋolo.

¹⁰Fuliyan nisina siɗaw Yesu ŋolo kay nam ma gisi irsi goy hay nagat paɗi,

¹¹Hay na'ta bagumna fara kla ka ti hat goboy hiɗi hiɗiyta.

¹²Fuliyana siɗaw Yesu ala: Guma irma tam bagumna ta goyni kay numa min cuk hayamu.

¹³Nam hin bagumna li nala. Fuliyan liwisna cukay goyo, nam cuk kalaf hay bagumna. Ɗuw na kayni, farana vi bagumna patay jaŋi kulo kay boŋoloŋŋa pa, koy goloŋo, nam ir birim ma' miti goloŋ kaf.

¹⁴Nisi sa ka ŋomomna muni jaŋi, nisi di labar namna goy hay hoyok-ziy ma ŋulona hiɗi ma gurayna kaw. Sumun cukay goyo kay ɗuw va ma lina.

¹⁵Nisi ma tam Yesu, sa ma ful kalamna, ma legiyon ay kalamna nisi fum dam', nam musi kiliŋ, sligar talam cukiya, ŋalda valam hoti talamu kaw. Nala nisi muɗ nari.

¹⁶Nisi sa wumna disi goyo kay sle ma li tam sa ma fuliyan kalamna, tam bagumna kaw.

¹⁷Nisi tun caw siɗaw Yesu kay nam ma kal goy hay nagata visi pa.

¹⁸Hay li ma nam tun caw jik hay lumna, sa ma ay hiɗi ful kalamna siɗawamu kay nam ma hinim tap kuɗumu.

¹⁹Yesu hinim li naɗi, may dumu: tuɗaŋ vo vaŋ tam sumiyaŋu, disi kay sle ma ŋulona ma Bum-Sumuna lum taŋŋa, a nanige nam li slugota taŋu kaw.

²⁰Nam kali goyo, tun caw di goy hay Dekapolis kay sle ma ŋulona ma Yesu lum talamna, sumun kaf muɗ ɦuyum'.

²¹Yesu ɓe hay lumda, hot kulo gal hena. Sumun dak talam ŋolo, nam ay deŋel niy-lumna.

²²Bugol kayni sa ma ŋolla hay sinagogayna* kep ma'a, semda valamu Jayrus, hay li ma nam wi Yesu, nam girif gaa vok gayamu.

²³Nam siɗaw Yesu ŋolo dumu: Goota vanu ka moyo, na' goboy hiɗi mitta, naŋaya, tunaŋ ɓaŋ ka' tunu, kay na' ma muɗ goy ŋaa muɗge.

²⁴Nam kali hiɗi san kayni, sumuna ŋolo tuɗ kuɗumu kaw, nisi hebem ŋolo.

²⁵Hay na'ta cat ay kepe, na' kus busuwn goyo busat liy doogo yam ma'.

²⁶Na' lasay ŋolo kuɗ doktor mara'a mara'a, na' ba farayna va' goy kuɗ doktor kaf kaw, may fi ŋaata noŋɗi, moyna jor jori vokom suwa.

²⁷Hay li ma na' hum labara kay Yesu, na' ma'a, jo vun sligara valamu goy bugolom pa,

²⁸kay na' di'e: la nan jom mi vun-sligara valam ɦawa kaw, nan ma muɗ goy ŋaa'a.

²⁹Wulini wulini busuw ma jaŋ goy ta'na cola, hay na'ta de', na' wi hay tuwa' ala na' muɗi goy ŋaa'a kay lasta va'a.

³⁰Wulini wulini Yesu wi hay tuwam ala donota kal goy hay tuwam pa, nam muɗ iram bugolom tam sa tokayna nam disiya: Sa ma jo vun-sligara van kayn mi gige?

³¹Sa hatayn dumu: Naŋ wi ala sumun hebaŋawa ŋolo, naŋ di ala ma jon vun-sligara van kayn mi gige lo su?

³²Nam ɗuw goy galamu kay wi cata ta jo vun-sligara valamu klasige.

³³May cat kayni muɗ nari, dika' ɓira'a, kay na' wi va ma li ta'na, na' ma'a, girif gaa vokomu, dum gasit goyo.

³⁴Nam da'a: goota vanu, vida vagu muɗagawa goy ŋaa'a, tuɗag hiɗi sle'ta, muɗag goy ŋaa'a kay lasta vagu kaw.

³⁵Hay li ma nam ka law tuwa, sumun may goy vo vi sa ma ŋolla vi sinagogayna* pa, ka dum ala: Goota vaŋu mitiya, naŋ mak tuw bum-yalla lo kay mige?

³⁶May hay li ma Yesu hum dita visiya, nam min tun ŋalda valam kay dit na'taɗi, may nam di tam sa ma ŋolla vi sinagogayna: Laŋ narɗi, may vaŋu.

³⁷Nam hin sa mara tuɗ kuɗumɗi, may tuɗ kuɗum si Peter hiɗi Yakub hiɗi Yohana ɓasum Yakubna tuta.

³⁸Nisi co tam ziyna vi sa ma ŋol hay sinagogayna*, nam wi sumun dakaya, tiy gijum-gijum ŋolo.

³⁹nam kal kalaf tisiya disiya: nigi law gijum-gijum, tiy kaw kay kay mige? Goota bay mita, na' kali sene.

⁴⁰Nisi cen kuɗum ŋolo, hay li ma nam gisi irsi goy jiy gina, nam vi bum-goota hiɗi su'a, yaw sa hatayna sa ka kuɗumna kaw, kali kalaf hay liy ma goota buri hayna.

⁴¹Nam vi ɓam goota di ta'a: Talita kumi! Kayn min di ala: goot-cata, nan dagu, fokag kulo'o.

⁴²Wulini wulini goot-cata fokay kulo'o, na' tun caw tuɗa kaw, kay busata va'a doogo yam ma'. Nisi kaf muɗ huyum ŋolo.

⁴³Nam gatsi ala nisi ma hin sa wi kaynɗi, nam disi ala nisi ma vula' va ma ti'e.