Read Masana 2 KORINTENA 6 Bible Online

2 KORINTENA 6 - Masana bible

2 KORINTENA 6

¹Ki nuriyom tuwayna hay lopna nala, numa siɗawgiya kay nigi ma fi slugota vi Lawna goy sur waaɗi.

²Kay nam di'e: Hay liyn ma kiran ŋaana nan hum siɗawta vaŋawa, hay buura vi su'da nan gutawa kuɗaŋu kaw.[6] Nay ka wulini hay liyn ma kiram ŋaana, nay ka wulini hay buura vi su'da.

³Numa li va ma as dab sem sa noŋɗi, kay sa fi law joo'o kay lopna vumaɗi.

⁴May numa ɗek tuwma goyo hay slen kaf, numa li ki sa sunda vi Lawna nala, numa so tuwma ŋolo hay zumalda, hay kiɗata, hay yorta vi dikga,

⁵hay watta, hay daŋgayta, hay ɦilayta-kulota, hay lop ma zumalda, hay bay-senda, hay laata,

⁶hay lita ta cet-cetta, hay wida, hay ŋalda, hay ŋaata, hay Ŋusta-Peldetta, hay minda ta bay mileta,

⁷hay yoboyna vi gasita, hay donota vi Lawna, hay sle-ma-duura, ma dur gawt hiɗi namna, hay sle-ma-duura ma ŋom tuw hiɗi namna kaw;

⁸jar gajijita, jar zulota kaw, jar semda ta tiy goy joo'o, jar semda ta tiy goy ŋaa'a kaw. Sumun ɗuwma ki sa ɗut sumun goyna nala, may numa sum sa gasina.

⁹Ki sa wumaɗi nala, may sumun wuma ŋolo, ki mitiya nala, may numa iri lak'. Ki sa fi watta nala, may ciy goyɗi;

¹⁰ki hay yorta nala, may numa ka firi dok-doko, ki sum sa hawna nala, may numa muɗ sumun ŋolo goy faraya, ki sa va may hay ɓisiɗi nala, may slen ka hay ɓuma kafe.

¹¹Nigi sa Korintena, numa law katgi goy haraŋi, numa malgi dikma goy kafe.

¹²Nigi may hebay kalaf hay dikmaɗi, may liyn ka hebay kayni hay dikgi nigiya.

¹³May a hot wurakŋa kayni, nigi ma mal dikgi goy kaw. -- Nan ka law tigi ki nigi si gurona van nala. --

¹⁴Ziygi juk ma bay-ŋrana jargi hiɗi sa bay-vinɗi. Kay ɗigerta fi tap hiɗi jiw-zlata hay mige? Lebo, haraŋa fi tap hiɗi jufunda arige?[7]

¹⁵Kristu hiɗi Belial[8] vunsi fi tap arige? Lebo sa ma viyna ir ɓurawta valamu fi tap hiɗi sa ma bay-vina arige?

¹⁶Bonot as jun jar tempella vi Lawna hiɗi lawayn ma waana arige? Numa'a si tempella vi Lawna ma irina, ki Lawna di nala ala: Nan min li ziy jarsiya, nan min poy jarsiya kaw. Nan min mus dok-dok Lawna visiya, nisi ma lak dok-dok sumuna vanu kaw.

¹⁷Kay na'ta: Kalgi ay goy jarsi pa, tapgi hiɗi nisiɗi, din Bum-Sumuna, tamgi sle ma liwisnɗi, nan nan ma tapgi kuɗanu may.

¹⁸Nan ma mus dok-dok mi bugiya, nigi ma lak dok-dok si gurona vanu may. Din mi Bum-Sumuna ma Gaŋeraŋ-Petna.[9]