Read Masana 1 TESALONIKŊA 3 Bible Online

1 TESALONIKŊA 3 - Masana bible

1 TESALONIKŊA 3

¹Kay na'ta numa fi a cub loɗi, numa vilek kay lak muma kay tuwma'a hay Aten.

²Numa gi Timotewus, ɓasuma'na ma sunda vi Lawna kaw, hay labara ma firina vi Kristu, kay muɗgi dono'o, teŋgi irgi kaw hay vida vigiya,

³A sa ma muɗ geɗ hay zumalda ta wulinta kaynɗi. Kay nigi kay tuwgi kaw wi ala nay yiya kay kayni.

⁴Hay li ma numa ay jargiya, numa digiyay goy jew ala nay ma fi lasta; nigi wi'e: coy wulin kayn ti las na'ta.

⁵Kuɗ kayni nan as cub loɗi, nan gi Timotewus tigiyawa kay hum labara kay vida vigiya, hay narta ala ma nem sumuna nemgiyawa goyo, lopna vuma muɗawa goy waa ɦawa klasige.

⁶May Timotewus may goy vigi pa co tuma wulini, nam marma labar ma ŋaana ŋolo kay vida vigiya, kay minda vigiya hiɗi varta ma nigi ka var kuma'a dok-doko, hiɗi varta ma nigi min wuma irma'a ki numa ka var kigi nala kaw.

⁷Nala ɓosiyonna, hay zumalda hiɗi lasta vuma'a kaf, numa fi teŋ-irtawa kuɗgiya, kuɗ vida vigiya.

⁸Wulini numa ka iriya, kay nigi lakay dono'o hay Bum-Sumuna.

⁹gi-deɓta ta numa ga' mi Lawna kuɗgiya ir nanige, kay firita ta ŋolda ta numa firi kigiya vok Lawna!

¹⁰Hay falayta hiɗi henjeta kaf, numa ka siɗaw Lawna hiɗi kursuliya, kay numa'a fi wigi irgiya, kay hob vun va ma bay hob kulo hay vida vigi tuwana.

¹¹Kay Lawna kay tuwamu, buya hiɗi Bum-Sumuna vaya Yesu, ma tor hagata vuma goyo ta-ta co tigi coge.

¹²Bum-Sumuna vulgi minda ta ŋolda ta sulur goyta a nigi min tuwgi jar-tuwgiya, min sumun kaw, ki numa'a li tigi nala;

¹³Kay nam ma vul donota hay dikgiya a nigi ma lak bay joota hay peldetta vok Lawna buya, hay li ma Bum-Sumuna vaya Yesu ma ma'a hiɗi sa peldetna valam kaf.