Read Masana YOSUWA 16 Bible Online

YOSUWA 16 - Masana bible

YOSUWA 16

¹Nagata ta nisi vula' mi gurona vi Yosefta, vuna' fokis hay Yordan pa, goboy hiɗi Yeriko, hay galla vi niyna Yeriko, gal kuɗuwu, hay fulda ta fokis hay Yeriko pa, hay hiɗiyta vi Betel.

²Nam kalis hay Betel hay Luz, cap hay jaara vi sa Arkiyena hay Atarot.

³Bugol kayni nam kal hay gal vulatiya, hay jaara vi sa Yafeletna, ta-ta hay nagata vi Bet-Horon ta gaata, ta-ta hay Gezer kay co goy kat niy-lum ma ŋolla.

⁴Kayni ti vocota vi gurona vi Yosef, Manase hiɗi Efrayim.

⁵Kayni mi jaara vi gurona vi Efrayim, kuɗ vuɗna visiya visiya. Jar nagata ta vocota visi kayni, hay gal ma kuɗuwna: Atarot-Addar, ta-ta Bet-Horon ta kulota.

⁶Jaara visi co hay gal ma vulatina hay gal Mikmeta gal gaa'a, hay gal ma kuɗuwna, gal Tanat-Silo, nam jik kalam gal kuɗuwu, hay gal Yanowa.

⁷Hay Yanowa pa, nam jik hay Atarot hiɗi Narata, jik kat Yeriko, ta-ta co kel Yordan.

⁸Hay Tappuwa pa, nam kal gal vulatiya hay niy-ma-riŋŋa vi Kana, kay co goy kel niy-lum ma ŋolla. Kayni ti vocota vi gurona vi Efrayim kuɗ vuɗna visiya visiya,

⁹hiɗi hoyok-ziyna ma vuli mi gurona vi Efrayim, jar naga ma vuli mi gurona vi Manase, hiɗi hoyok-ziy ma gurayna kuɗum kafe.

¹⁰Kanaaniyana sa ka li ziy hay Gezer, nisi may digiɗsi goyɗi, sum sa Kanaaniyana ka li ziy jar jafna vi Efrayim ta-ta vaydi. May nisi tunsi lop ma nekŋa kisiya.