Read Masana YOSUWA 19 Bible Online

YOSUWA 19 - Masana bible

YOSUWA 19

¹Ŋaɓta kuɗ ɦayta ta sem ma'ta vul galla mi jafna vi gurona vi Simeyon, kuɗ vuɗna visiya visiya. Vocota visiya ka jar vocota vi gurona vi Yuda.

²Nagata ta nisi fa' vocota kayni: Beer-Seba, Seba, Molada;

³Hatsar-Suwal, Bala, Atsem;

⁴El-Tolad, Betul, Horma;

⁵Siklag, Bet-Markabot, Hatsar-Susa;

⁶Bet-Lebawot hiɗi Saruhen, hoyok-ziy ma ŋulona doogo yam ɦidi hiɗi hoyok-ziyn ma gurayna;

⁷Ayin, Rimmon, Eter hiɗi Asan, hoyok-ziyn ŋulon fiɗi hiɗi hoyok-ziyn guray ma kuɗumna;

⁸hiɗi ziy gurayna ma ka goboy hiɗi hoyok-ziy namna kafe, ta-ta hay Baalat-Beer ta ya' Ramat hay gal ma kayamna, kayni ti vocota vi jafna vi gurona vi Simeyon, kuɗ vuɗna visiya visiya.

⁹Nagata vi gurona vi Simeyon nisi yawa' kuɗ nagata vi gurona vi Yuda; kay galla vi gurona vi Yuda nam ŋol kisiya, kuɗ na'ta gurona vi Simeyon fi galla visi kayn jar nagata visiya.

¹⁰Ŋaɓta kuɗ ɦayta ta sem ɦidita vul galla mi gurona vi Zabulon kuɗ vuɗna visiya visiya. Vun-nagata visiya kal ta-ta hay Sarid.

¹¹Jaara visi jik hay gal ma vulatina, hiɗi gal Mareyala, jik kat Dabeket, bugolda kat niy ma ka riŋ goy vok Yokneyam.

¹²Hay Sarid pa nam jik hay gal kuɗuwu, hay galla vi fatta ma dayna, hay jaara vi Kisilot-Tabor, co kat Dabrat, cap jik hay Yafiya.

¹³Ɗawayn pa, nam jik gal kuɗuwu hay Gita-Hefer, hay Itta-Katsin, co kat Rimmon, ŋuy ta-ta hay Neya.

¹⁴Bugolda, jaara ŋuy hay gal gaa'a vi Hanaton, co goy kat ɦoora vi Yifta-El.

¹⁵hiɗi Kattah, Nahalal, Simron, Yideyala, Betlehem; hoyok-ziy ŋulon doogo yam ma' hiɗi hoyok-ziy ma gurayna.

¹⁶Kayni ti vocota vi gurona vi Zabulon, kuɗ vuɗna visiya visiya, hoyok-ziy ma ŋulo namna lakŋi hiɗi ma gurayna.

¹⁷Ŋaɓta kuɗ ɦayta ta sem fiɗita vul galla mi Isakar, mi gurona vi Isakar, kuɗ vuɗna visiya visiya.

¹⁸Jaara visiya co kat Yisreel, Kesulot, Sunem,

¹⁹Harafayim, Siyon, Anaharat;

²⁰Rabbit, Kisiyon, Abes;

²¹Remet, Eyin-Ganim, Eyin-Hadda hiɗi Bet-Patses;

²²nam co kat Tabor, kat Sahatsima, tam Bet-Semes, dab goy kat Yordan; hoyok-ziy ma ŋulona doogo yam karkiya hiɗi hoyok-ziy guray ma kuɗumna.

²³Kayni ti vocota vi jafna vi Isakar, kuɗ vuɗna visiya visiya, hoyok-ziy namna ma ŋulona lakŋi hiɗi hoyok-ziy guray ma kuɗumna.

²⁴Ŋaɓta kuɗ ɦayta ta sem vaslta vul nagata mi jafna vi gurona vi Aser kuɗ vuɗna visiya visiya.

²⁵jar nagata visi kayni ti Helkat, Hali, Beten, Aksaf;

²⁶Alamalek, Amiyad hiɗi Mikeyal, nam co kat gal ma vulatina, kat Karmel hiɗi Sihor-Libnat;

²⁷bugolda, nam jik hay gal ma fatta dayna, hay Bet-Dagon, jik kat Zabulon hiɗi lokŋa vi Yifta-El hay gal gaa'a vi Bet-Emek hiɗi Neyel, co ta-ta kat Kabul hay gal gulu,

²⁸lo, kat Ebron, Rehob, Hamon hiɗi Kana ta-ta kat Sidon ta ŋolda.

²⁹Bugolda jaara jik gal Rama ta-ta hay hoyok-ziy ma donona vi Tirus, hay gal Hosa, kay co goy kat niy-lum ma ŋolla, hay galla vi Akzib.

³⁰Hegena lo, Umma, Afek, Rehob, hoyok-ziy ŋulon dok-ma' yam ma' hiɗi hoyok-ziy ma gurayna.

³¹Kayni ti vocota vi jafna vi gurona vi Aser, kuɗ vuɗna visiya visiya, hoyok-ziy ŋulo namna lakŋi hiɗi naga guray ma kuɗumna.

³²Ŋaɓta kuɗ ɦayta ta sem karkiyata vul nagat mi jafna vi Neftali, kuɗ vuɗna visiya visiya.

³³Jaara visiya fokay hay Helef pa, hay Elon pa, jik hay Saananim, Adami-Nekeb hiɗi Yabneel, ta-ta hay Lakkum, co goy kel Yordan.

³⁴Nam jik hay gal ma vulatina hay Aznot-Tabor, ɗawayn pa co goy hay Hukok; nam jik kat Zabulon hay gal ma kayamna, hay Aser hay gal ma vulatina hiɗi kat Yuda; Yordan ka hay gal ma fatta dayna.

³⁵Hoyok-ziy ma donon kayni: Siddim, Ser, Hamat, Rakat, Kinneret;

³⁶Adama, Rama, Hatsor;

³⁷Kedes, Edrey, En-Hatsor;

³⁸Yireyon, Mikdal-El, Horem, Bet-Anat hiɗi Bet-Semes; hoyok-ziy ŋulona doogo yam zleeŋe hiɗi hoyok-ziy guray ma kuɗumna.

³⁹Kayni ti vocota vi jafna vi gurona vi Neftali, kuɗ vuɗna visiya visiya, hoyok-ziy namna lakŋi hiɗi hoyok-ziy guray ma kuɗumna.

⁴⁰Ŋaɓta kuɗ ɦayta ta sem siɗiyata vul nagat mi jafna vi gurona vi Dan kuɗ vuɗna visiya visiya.

⁴¹Vun-nagata visi ka hay Soreya, Estahol, Ir-Semes:

⁴²Salabin, Ayalon, Yitla;

⁴³Helon, Timnata, Ekron;

⁴⁴Elteke, Gibbeton, Baalat;

⁴⁵Yehu, Bene-Berak, Gad-Rimmon;

⁴⁶Goloŋŋa vi Yarkon hiɗi Rakon, hiɗi nagata ta ka ɗiger vok Yaffa.

⁴⁷Gurona vi Dan nagata visi hulot goy kisiya, ki kayn nala gurona vi Dan kaliya kay dur sum sa ka hay Lekemna; nisi sli nagata, sum sa haya'na nisi calsi goyo hiɗi kew-gaferaŋa, nisi lak haya'a, tuna' se' ala Dan, kuɗ semda vi busiya Dan, hoyok-ziy namna hiɗi hoyok-ziy guray ma kuɗumna.

⁴⁸Kayni ti vocota vi gurona vi Dan kuɗ vuɗna visiya visiya, hoyok-ziy ma ŋulo namna hiɗi ma gurayna.

⁴⁹A vat kayni, hay li ma nisi sli nagatawa kaf slina, hiɗi ira' ma ɓuraway kafna, sum sa Israyella vul naga jarsi kep voco'o mi Yosuwa goora vi Nun.

⁵⁰Kuɗ va ma Ma-Vatɗina di'e, nisi vulum hoyok-ziy ma nam jobomna: Timnat-Sera hay hiɗiyta vi Efrayim. Nam kot tuw hoyok-ziy namna kulo'o mus hayamu.

⁵¹Kayni ti vocota ta Eliyazar mul-ma-ɗifinna, Yosuwa goora vi Nun hiɗi sa ŋulona vi jafna kuɗ vuɗna vi sa Israyella kaf ɓurawa' hiɗi ŋaɓta kuɗ ɦayta vok ir Ma-Vatɗina hay Silo, hay vun guɗuk ma fi-tuwna. Ki kayn nala nisi vat ɓurawna vi nagata.